నా బాధలు

 స్వయముకు పిన్నత్తకు నా

వ్యయమగు పతికిని శిశువుకు నస్వ్థతలే

భయమిక పడలేనమ్మా

నయముగ ననుగని మనవిది! నగజా ప్రణతుల్

పాలును తేనీరును నే

బేలగ పట్టితి నిరుడును! వెలసిన తనువే

తాలిమి గోరెను నిన్నే

లీలలు చూపించుచు నను శ్రీ సతి! గనుమా

విశ్రాంతములే కరవే

నే శ్రమ పడలేనిక నను నీ దరి గొని యో

యాశ్రయమిమ్మా చాలును!

మా శ్రీ దేవీ! శరణము మంగళ మూర్తీ

అలసిన తనువుకు లేదా

కొలదిగ నైనను విరామ కోటా హయ్యో

నిలుపుమ స్వస్థత గృహమున!

బలి తీసుకునుందువ నను! వగచెడి దానన్

లోకపు మాటలు చాలును

నా కను పాపలు నడిగెను నయముగ సెలవున్

పీకుట పాకము బెట్టుట

లేకి తనంబవద! తల్లి! శ్లేషలదేలన్

మరచితి పొయ్యిని గట్టుట

శిరమున పెరుగగ బరువులు చింతలు మదిలో!

కరుణను చూపించుచు నను

తెరపిన పెట్టుమ సురనుత! దీవెనలిడుమా

శిశువుకు తల్లియు టీచరు

వశముగ చెల్లెండ్రు చేసె పనులను! నేనే

నశియించిన పిదపను! నా

యశమును గమ్మత్తు గణన యవసరమా! ఏ?

లెక్కలు చేసెడి జనులే

యొక్కఱు హితమును సహాయముసగరు నైనన్

చుక్కలు చూపించెదరే తగునా

యక్కట! యీ దౌష్ట్యములు సుఖేసిని! జననీ

నిందలు వేయుటదేలన!

బొందిని దీసెడి తలపులు పుణ్యములేనా

సందును జొప్పించి మఱీ!

విందెటులగునో యివి మఱి! వినడా భవుఁడే

అలసితి సొలసితి బలమును

పలుకును నిలువక తరలగ వదలితి తలపున్

కలిమిని కలమును పిలువక

వెలుగక నలిగితి లలనను! వెతలన పడితి

న్

ౘదివితి గాని శాస్త్రములు సన్నిధి లేదు కపర్థి! బ్రోవరా

కుదుపులు లేని జీవితపు కోటలు లేవను సత్య వాక్కునే

మది గదినందు తోౘక ప్రమాదపుటంౘును చేరి యుంటినే

వదలక నాదు హస్తమును! పాదము తోడుగ నుంౘు తండ్రిగా

అనిల కుమార! భక్త శిఖరాగ్రవు కాదయ దేవువీవెగా

యనవరతంబు సాయముగ హస్తమునుంచుమ చెంత వీడకన్

కనులను కారు నీరు నను కాల్చుచు నుండగ నేడ్చి సోలితిన్

నిను మది నమ్మినాను నను నీలపు నీడన ముంౘబోకుమా

02 November , 2024

 కార్తిక పాడ్యమి, క్రోధి

జ్ఞానమునకు నధిపతివే

మానవ జాతికి వరమిడి మహినే దాటే

నీ నవ పథమును ౘూపవ!

ధ్యానము ముద్రను ధరింౘు హరహర! దేవా

గౌరీ తనయా కపిలా

వారింౘక కర్మ ఫలము భరియించితిమే!

పారింౘవ నీ కరుణను

ధారుణి వాసులకు మదిని దయతో నికపై

దత్తాత్రేయా నీవే

నుత్తమ రూపుడవయ! మము నుర్విని గాౘన్!

వృత్తము చక్రములేలన!

విత్తము నీ దరి! నిౙమున! వినుమా మనవుల్

ఆపదనందు దల్చుకొని యానక వీడను తల్లి! మాకు నీ

ౘూపులు ౘాలునమ్మ! నిల జ్యోతులు వెల్గులు నిండి పోవునే

మూపున భారమింక మది మోయగ శక్తియు లేదు పాపముల్

బాపుౘు మమ్ము నీదు కనుపాపల వోలెను గాౘు శాంభవీ!

To read to learn Poetry

 విశ్వనాథ వారి రచనలు ఇంతవరకూ చదవనివారు, చదావాలన్న ఆసక్తి ఉండి చదవగలమా అనుకునేవారు, ముందుగా వారు వ్రాసిన "విష్ణుశర్మ ఇంగ్లీషు చదువు" ఆపైన "హాహా హు హు" చదివితే వారి రచనలంటే "కొందరు" కలిగించిన భయం పోతుంది. అలాగే "పాతి పెట్టిన నాణెములు", "జేబు దొంగ నవలలు" కూడా.

మనుచరిత్ర 

భాస్కర శతకము 

బర్హిలేశ్వర శతకము - 3 గాయత్రమ్మ గారు చెప్పినవి

అనంత ఛందము

 నీ దరి చేరుట ధ్యేయము!

మోదము నీ సన్నిధి గద! భూమిన ప్రజకున్

రాదే శోకము! తలచిన!

శ్రీ దాక్షాయణి! నిను మది! క్షేమము గలుగున్

Puujalu

 Vaddiparthi పద్మాకర్ గారు చెప్పారు అక్క, గత జన్మలో ఈశ్వరుడికి పూజ చేస్తే డబ్బులు ఉంటాయట, దుర్గా పూజ చేస్తే అర్థం చేసుకునే భార్య /భర్త వస్తారట, విష్ణువుకి పూజ చేస్తే అధికారం పదవి వస్తాయట, శివపార్వతుల పూజ చేస్తే ఎంత  కష్టంలో ఐనా ఒక సుఖం ఇస్తారట, రుద్రాభిషేకం చేస్తే కవిత్వం, జ్ఞానం, సంగీత జ్ఞానం వస్తాయట. నేను అందుకే శివుడు అమ్మవారు బాగా నమ్ముతాను ఈ జన్మ ఇలా ఉంది వచ్చే జన్మ ఏమో అని

సౌందర్యలహరి ఐదవ శ్లోకం 108 సార్లు చదివి పళ్ళు లేదా పాలు నైవేద్యం పెట్టాలి ఉదయం లేదా సాయంత్రం వీలైతే ఐదు - ఆరు గంటల మధ్యలో - ఎదుటివారు మంచిగా మారటానికి

NavaDurgas

 దుర్గాదేవి తొమ్మిది అవతారాలలో ఎక్కడ వెలిశారో తెలుసా 

1. #శైలపుత్రి 

ఉత్తరప్రదేశ్ లో వారణాసిలో శైలపుత్రి ఆలయం ఉంది. నవదుర్గలలో దుర్గాదేవి మొదటి అవతారం శైలపుత్రి అని చెబుతారు. దుర్గామాత, శైల రజగు హిమవంతుని కుమార్తెగా జన్మించినది. ఈ అమ్మవారు వృషభ వాహనం పైన ఉండి కుడి చేత త్రిశూలం, ఎడమ చేత పద్మం ధరించి ఉంటుంది. శరన్నవరాత్రులలో ఈ దేవిని ఉత్సవ మూర్తిగా అలంకరించి తొలినాడైన పాడ్యమి నాడు పూజించి, ఉపవాస దీక్షలు చేసి భక్తులు తరిస్తారు.

2. #బ్రహ్మచారిని

ఈ ఆలయం ఉత్తరప్రదేశ్ లోని వారణాసి లో ఉంది. దుర్గామాత రెండవ అవతారం ఇదేనని చెబుతారు. ఈ అమ్మవారు తెల్లటి వస్త్రాలను ధరించి ఉంటారు. శివుడిని భర్తగా పొందటం కోసం నారదుడి ఆదేశానుసారం ఘోర తపస్సు చేసినది. ఈ అమ్మవారిని ఆరాదిస్తే విజయం లభిస్తుందని చెబుతారు.

3. #చంద్రఘంట 

శ్రీ దుర్గామాత మూడవ అవతారం చంద్రఘంట అవతారం. ఈ అమ్మవారు గంటాకృతితో ఉన్న అర్ద చంద్రుడిని శిరస్సున ధరించి ఉంటుంది. ఈ అవతారంలో దర్శనమిచ్చే అమ్మవారి ఆలయం వారణాసి లో ఉంది. ఈ అమ్మవారు దశ భుజాలతో దర్శనం ఇస్తుంది. ఈ అమ్మవారిని ప్రార్థిస్తే భయం, అపజయం దరికి రావు అని నమ్మకం.

4. #కూష్మాండ 

శ్రీ దుర్గామాత నాలుగవ అవతారం కూష్మాండ. ఈ అమ్మవారు సింహ వాహనం పైన అష్టభుజాలతో దర్శనం ఇస్తుంది. అందుకే ఈ అమ్మవారిని అష్టభుజి దేవి అని కూడా అంటారు. ఈ అమ్మవారి ఆలయం కాన్పూర్ లో ఉంది. ఈ అమ్మవారిని ఆరాదిస్తే శీఘ్రంగా కటాక్షించి రక్షిస్తుంది.

5. #స్కందమాత

నవదుర్గలలో ఐదవ అవతారం స్కందమాత. స్కందుడు అంటే కుమారస్వామి అని అర్ధం. స్కందుడి తల్లి కనుక ఈ దేవిని స్కందమాత అని అంటారు. ఈ దేవి బాలస్కందుడిని తన ఒడిలో కూర్చుబెట్టుకొని మాతృమూర్తిగా భక్తులకి దర్శనం ఇస్తుంది. ఈ దేవిని ఆరాదిస్తే పతనం లేకుండా కనుకరిస్తుంది.

6. #క్యాత్యాయని

నవదుర్గలలో ఆరవ అవతారం క్యాత్యాయని. కోత్స అనే ఒక ఋషి పార్వతీదేవి తనకి కూతురిగా జన్మించాలంటూ ఘోర తపస్సు చేయగా అతడి కూతురిగా జన్మించింది. అందువలనే ఈ దేవికి క్యాత్యాయని అనే పేరు వచ్చింది. ఈ అవతారంలో దర్శనం ఇచ్చే ఆ దేవి ఆలయం కర్ణాటక రాష్ట్రంలో ఉంది.

7. #కాళరాత్రి 

నవదుర్గలలో ఏడవ అవతారం కాళరాత్రి. ఈ దేవి శరీరం ఛాయా చీకటి తో నల్లగా ఉంటుంది. అందుకే ఈ దేవికి కాళరాత్రి అనే పేరు వచ్చినది. ఈ దేవి వాహనం గాడిద. ఎల్లప్పుడూ శుభ ఫలితాలు ఇస్తుంది కనుక ఈ దేవిని శుభకరీ అని కూడా అంటారు. ఈ దేవి ఆలయం కూడా వారణాసి లో ఉంది.

8. #మహాగౌరి 

నవదుర్గలలో ఎనిమిదవ అవతారం మహాగౌరి. ఈ దేవి హిమాచలం కంటే తెల్లని ధవళ కాంతితో శోభిస్తుంటుంది. అయితే శివుడిని భర్తగా పొందాలని పార్వతీదేవి ఘోర తపస్సు చేయగా ఆమె శరీరం నల్లబడుతుంది. ఇక ఆ దేవి భక్తికి మెచ్చిన స్వామివారు గంగా జలంతో ఆమె శరీరాన్ని ప్రక్షాళన చేస్తారు. అప్పటినుండి ఆమె మహాగౌరి గా ప్రసిద్ధి చెందింది.

9. #సిద్ధిధాత్రి

శ్రీ దుర్గా మాత అవతారాలలో తొమ్మిదవ అవతారం సిద్ధిధాత్రి. ఈ దేవతని దేవతలు, సిద్దులు, మనుషులు ప్రతి ఒక్కరు కూడా ఆరాధిస్తారు. ఈ దేవి బుద్ది, విద్య, భోగ భాగ్యాలను ప్రసాదిస్తుంది.

ఈవిధంగా శ్రీ దుర్గాదేవి తొమ్మిది అవతారాలు ఉండగా.... ఈ తొమ్మిది అవతారాలకు సంబంధించిన ఆలయాలు అన్ని కూడా వారణాసి లో ఉన్నాయి.

AmmaVaaru

నగవుల తల్లి పార్వతి! సనాతని! వందనమో ఉమా!

ఖగపతి విష్ణు సోదరి! ప్రకంపనలన్నియు దీయ నీవెగా

జగములనేలు నాయకివి! శౌర్యము ౘూపి కపర్థినీ సదా

గగనము దాటి మా దరిని కాంతిగ నిల్వుమ యద్రి వాసినీ

అనురాధమ్మ గారి ఇంట్లో ఊంజల సేవ, దసరాలలో, క్రోధి, 2024, October 4

రావమ్మా జననీ మా

భావము గమ్యము సురనుత! భ్రమరీ నీవే

పావని! యూయలనూగుౘు

దీవింౘుమ‌ మము! శుభగుణ! ధీరా! హిమజా

కీర్తన వాళ్ళ గుడి లో, క్రోధి సంవత్సరం దసరాకు మూలా నక్షత్రం రోజున సరస్వతి దేవికి

వాణీ శర్వాణీ యో

వీణాపాణీ గొలుౘును వేదములన్నీ

శ్రేణిన నిలౘుౘు నిన్నే

రాణీ ౘదువులనొసగుమ లక్ష్యము కొఱకున్

జ్ఞానము నీవే ధరణికి

రాననబోకుమ! శుభాంగి! బ్రహ్మ కళత్రా!

ధ్యానము నిలిపెడి కరుణను

మానవులకొసంగవలె సుమధుర వచనా!

ఉత్పలమాల 

తెల్లని వస్త్రధారణయు తీయని పల్కుల తల్లి వాణి తా

ౘల్లదనమ్ముతో మనకు జ్ఞానమొసంగుౘు సంస్కరింౘగా

తల్లిని గొల్చుకుందుమని ధాత్రి నివాసులు పూజ సల్పుౘున్

పల్లవి పాడుకుందురట భారతి నామము తోడ నిత్యమున్

బంగరు రంగున వెలసిన

రంగము నాయకి! సురనుత! లక్షణముగ యే

భంగము నొందని జ్ఞానము 

చెంగున నిమ్మా యని యిట చెప్పెద వినతుల్

వీణయు నక్షమాలను ప్రవీణ! ధరించెడి వాణి దీర్ఘమౌ

బాణిన రాగమాలికలు పాడుౘు వేడెద జ్ఞానమీయుమా

పాణి కలమ్ము కావ్యములు వ్రాసెడి భాగ్యమున్నౘో

శ్రేణి తలంబున జీవులిక చేరును నీ దరి! మాయ దాటుౘున్

దుర్గమ మార్గము నడిపెడి

భర్గుని పత్నీ! ప్రణవపు పంజర వాసీ

అర్గళ దేవీ మనవిది

నిర్గుణ రూపా! బ్రతుకున నింపుమ‌ వెలుగుల్

ధాన్యము ధనమది యేలన

దైన్యము సరసన నిలువదు ధైర్యము నీవై

మాన్యత గాచిన చేరదు

శూన్యత బ్రతుకున! మనసున! శుభగుణ! తల్లీ!

ధాన్యము ధనమది యేలన

శూన్యము గాదైనను మది ౘూచిన నిన్నే!

దైన్యము దరిమెడి శక్తివి!

మాన్యత గాచెడి సురనుత! మంగళదాయీ

చంద్రవంక ధారి! మంద్ర స్వరమ్మున

కీర్తనలను పాడి కేళి యాడి

శిశువులమగు మేము! యశమును ముదమును

వొందెదమిల! జనని! ఉమ! సురనుత

నవదుర్గలుగా వెలసెనె

శివసతి ముౘ్చట గొలుపుౘు చిరునవ్వులతో

భవభయ హారిణికివియే

నవనీతముతో ప్రణతులు! నగజకు భక్తిన్

తెలుగు లోగిలి లో నళినీ ఎఱ్ఱా గారి టపా

దీపపు కాంతుల నడుమన

శ్రీ పద్మావతి! వెలసెను సిరులను చిలికెన్

పాపపు రాశిని చీల్చుౘు

నాపదలెల్లను దరుముౘు నండై యుండున్

కొలువరె కాచెడి తల్లిని

నిలుపరె మనమున సుగుణపు నిధియౌ సిరినే

తలచిన ౘాలును జయములు

కలిగింౘును లక్ష్మి! విష్ణు కళత్ర! పేర్మిన్

ఇంట్లో పెరట్లో ఱోలు వద్ద దీపం పెట్టినపుడు కనిపించిన అమ్మ కనులకు ఈ పద్యమూ, పాట

[04/11, 22:09] Durga Madhuri Devi Nagini: వేంచేసితివా జననీ

కంచీ పురవాసిని మము కరుణింౘుౘు నీ

పంచన చేర్చుట కొఱకని!

కంచెల తెరతీయుమిక వికాసమొసగుమా

[04/11, 22:09] Durga Madhuri Devi Nagini: నీ కనులే మము గాంౘగ‌ భువికి జేరెలే

శ్రీకరి శుభగుణ సుధాబ్దిజ ధన్యవాదమే ,|| నీ కనులే ||

తిమిరము హరియింౘుటకని దివి వీడిన జ్యోతీ

సమరములను బాపుౘు నడిపించే తల్లీ ||తిమిరము||

సతతము నీ స్మరణే నిరతము నీ భజనే ||సతతము||

మా యిల వేలుపు నీవేనే మంగళదాయని సురనుత || నీ కనులే||

అందఱి బంధువు నీవయి ఆడే లోకమాతవే

సుందర వదనా నిగమాగమమే మాకు నీయవే

నవ్వుల పువ్వుల కొమ్మకు పడతుల‌ వందనంబులే

సకల కళల రాణి శాశ్వతి పరమేశ్వరి మంగళ దాయిని

|| నీ కనులే||

పురివిప్పిన నెమలిక తో

సరసుకు చెంతన నిలచిన జననీ ప్రణతుల్

సురనుత భారతి పద్యము

సరి యగు విధముగ రచించు జ్ఞానము నిమ్మా

అనురాధమ్మ గారి ఇంట్లో ఊంజల సేవ చిత్రానికి: 08/11/2024

అమ్మా నీవే దిక్కని

నమ్మిన భక్తుల గృహముకు నడిచెడి కరుణే

మమ్ముల నిలుపును! వేగమె

రమ్మా యనగానె చేరి రక్షింౘు సదా

కన్న భుజమ్ము నందు గని గారము చేసెను మాతృమూర్తి యే

యన్నుల మిన్నకై మనసు నాతృత నిండును నిత్యమున్ గదా

వెన్నెల వంటి ౘల్లనగు పేర్మి ప్రతీకయె సృష్టిలో సదా

వెన్నను జిల్కు నామె సమ వేలుపు లేరుగ ౘూడగన్ ధరన్

క్షీరాబ్ధి ద్వాదశి, క్రోధి వత్సరము

క్షీర సాగర కన్యక చేర రావె

మాదు గృహములకు హరిని చేదుకొనుౘు

తులసి ధాత్రి సహితముగ వెలసి మమ్ము

కనికరింౘవమ్మ! సిరి! యవనిని నీవు

తులసీ మాతకు ప్రణతులు

తొలితొలి ఝామున సుమముల తోరణ మాలల్

తిలకము పసుపూ గంధము

తలమానికమౌ నుతులును తల్లీ గొనుమా

"త" గుణింత కంద పుష్పము

త్రిజగన్నుత! శరణము నీ

నిజ రూపము గాంౘలేని నీరసమున నే

భజనలు సహితము విడచితి

గజ రాజ సుపూజిత! నను కరుణింౘుమికన్

మౌనము ౘాలునంటిని రమాధవ! భౌతికలోక బాధలో

నీ నను ముంౘనేల హరి! నే కను పాపను కాన! దేవరా

ధ్యానము సేయకుంటినని దైన్యత లో పడవైచి నవ్వుౘున్

పానము లాగి నావుగ! సబాంధవ! ౘాలయ శిక్షలాపుమా

Status ones

 ల(క్షణ) ప్రాస‌పద్య రాజము:

విలువలు పలుౘన నలుపుౘు

వలువలు పలు గట్టగలమ! లత తనువులకున్

సొలసిన కలికిని యలతిగ

కలతను నిలుపుట ఫలమ్మ! కలిమా! యిలపై

నీదే తెలివిగ మురియుౘు

భావించి నితరులనెల్ల వ్యర్థమ్ముగ యీ

తావిన యమరని యిమడని

పూవైతివిగా హతవిథి! పుణ్యము రాదే!

చేసితి వ్రాసితి నొందితి

వాసిగ రాసిగ ఫలములు భావింౘుౘు నీ

దాసిగ పలుకుట తగునా!

ౘూసితివా నా ఘనతను! చోర! కిషోరా!

అలసితి! సొలసితి నైనను

కలికీ యడుగను బహుమతి కలవే

కరముల్

పలు సంఖ్యను! చేయుటకై

సులువుగ పనులను! పలుకున ౘులకన తగునా!

పద్య కౌముది

 తరువులు తరిగెను చెరువులు

కరువాయె బరువయె నదులు కడలులు ధాత్రీ

నరులను క్షమియింౘు మనవి!

వరమీయుమ రక్షణను! నివాసము నీవే

https://www.facebook.com/share/p/yVYLhuds66f3MVZX/?mibextid=oFDknk 

తల్లితండ్రి తోడ తనయుడు గూర్చున్న

చిత్రమిటుల గనగ చిత్తమందు

సంతసమ్ము గలిగె సౌభాగ్యమిదిగాద!

ధాత్రి వాసులకు ప్రధానమిదియె

https://www.facebook.com/share/p/Wocdm1xmkiH4ZjY4/?mibextid=oFDknk

అనంత సాహితీ వేదిక

వచన కవితల పోటీ 

అంశము: వర్షింౘని మేఘము

శీర్షిక: కలికి చిలుకమ్మ కన్నులు

హామీ పత్రము: స్వీర రచన, మా కార్పొరేట్ యాజమాన్యం నిబంధనలననుసరించి నా వివరాలను ఎక్కడా పెట్టకుండా, ఇలా అజ్ఞతంగా వ్రాస్తున్నాను. అనుమతింౘ మనవి.

కలం పేరు: నాగిని

పుట్టగానే‌ "ఆడపిల్లా" అన్న రోౙున

పసి పాపగ ౙాలువారిన గంగ పొంగే

ఎదుగుతున్న కొద్దీ ఏడుపు ఎగిరి పోయె

తాత్పర్యమేమన, తగ్గలేదు వేదనలు

పెద్దరికము బాల్యమందే ఆపాదింౘ బడెను

నవ్వ వీలు లేదు ఆటలాడవలదు

ౘదువు యొకటే సాధ్యమనుౘు

కళలనైన కలలోనైన కరముకందింౘక పోయే

మాదు కాలమందు మాట లేదు మనువే చేసిరే

మగువ బ్రతుకు మౌనరాజ్యమందె

ఇక్కట్లే ఎదురవనీ ఇడుములే మీద పడనీ

ఇలలో ఇల్లే ఇంతికి ఇచ్ఛగావలెననె

కొలువు కాసులన్ని యున్న కలిమి కాదు తనది

కొరివి వోలె కొరకొర ౘూచే కుటుంబమే తన గని

తోటి వాళ్ళు తొక్కెడి వాళ్ళు తక్కెడ తమ వైపుకు

తిప్పి తప్పు గాౘుకునే వాళ్ళు 

తగవు లాడు వారు తరతమాలెఱుఁగక

తల్లడిల్ల చేయు వారు తుదకు తెగించి

తనయలు తనయులనూ దూరము చేయు వారు

తాత్సారం చేయరు తరుణిని తన్ను దూకుడులోన

ఇన్ని ఇన్నిటికిన్నీ ఎగిరెగిరి పడినా ఏవగింౘక

పంటి బిగువు బాధ నుంౘు పడతి పరదాలు తొలగించి 

పడనీయదు భావాలు బయటకెపుడు

కడదాక కంటి వెనుక నిలిపి నీరు

గుండె బరువు గుట్టుగానే యుంచినపుడు

హృదయమందలి తేమకు ఏ ఆత్మీయత

వెౘ్చని స్పర్శ తగిలినా వెతలు కక్కదు

నొౘ్చుకున్న విషయమసలు చెప్పదు

నీలి కన్నుల మాటున దాగున్న మబ్బు తెరలు

రాలనీక ఒక ౘుక్క నిలుపునతివను "నిండుగ"

వాగ్దేవి కళా పీఠము, శంకరాభరణము

వాగ్దేవి కళా పీఠము విజయవాడ కేంద్రము 

23.09.2024 సోమవారము 

అంశము: సబ్బు బిళ్ళ 

ఇరువంటి దుర్గా మాధురీ దేవి (నాగిని)

ప్రక్రియ: పద్యములు

//తేటగీతులు

మోక్షగుండము వారు సమూలముగను

ౘదివి సాంకేతికతను! ప్రజలకు మేలు

చేయు తలపున మొదలిడె జిడ్డు రాని

మురికి వొదిలింౘు సాధనమ్మును ఘనముగ

దేశ సరిహద్దు దాటుౘు దెలిసికొనె

వారి సహచరుండు మన గర్వము నిలుపు

విధముగ సవాలు పూరించె విద్యనంది

యటుల సబ్బు బిళ్ళయె పుట్టె నద్భుతముగ 

అని చెప్తూ హరికథలో, "ఆ రకముగా భారతావనికి చేరిన సబ్బు బిళ్ళ, ఎల్లలు లేక, పాత్రలకూ, రేవు లోనూ, ఇళ్ళల్లోనూ బట్టలకూ, దేహ శుభ్రతకూ ఉపయోగ పడుతూ ఎందఱికో ఉపాధినీ, దేశానికి ఆదాయమీయటమే కాక, దాని తయారీ కార్యకలాపాలకూ సాఫ్ట్వేర్ ను వాడుతూ మరింతగా దూసుకు పోతోంది", అని ముగించారు.

వాగ్దేవి కళా పీఠము విజయవాడ కేంద్రము

24.09.2024 మంగళవారము 

అంశము: దత్తపది: నిండిక ముండిక శిండిక పిండిక

ఇరువంటి దుర్గా మాధురీ దేవి [నాగిని]

హైదరాబాద్.

ప్రక్రియ: కంద పద్యము

ఏమాయెను? (నిండి క)రుణ 

చా(ముండి క)నులు దెరువగ; జనులకు శుభమే

యా మాత వ(శుండిక) యే

కామాంధుడకైన (పిండి క)న్నులు; ద్రుంౘున్

(కామము అంటే ఎటువంటి కల్మషం తో కూడిన కోఱిక యైనా అని పెద్దల ఉవాచ)

వాగ్దేవి కళా పీఠము విజయవాడ కేంద్రము 

26 September 2024 గురువారము 

సమస్య 4893

తేటగీతి

నాటి వేమన మొదలుగ నేటి వఱకు

పలువురు ఘనులు జీవిత పాఠములను

దెలిపె గనుక నూతనముగ కలము పట్టి

యల్లు వారలు మానగ నట్టి విధము

వెదకి జూచిన గాని యా విధము నూత్న

కవుల కవనమ్ములో నీతి గానరాదు

25.09.2024 బుధవారము 

అంశము: సమస్యా పూరణము 

ఇరువంటి దుర్గా మాధురీ దేవి (నాగిని) హైదరాబాద్ 

నవ్వులు విరియని గృహమున

పువ్వులు రాళ్ళగును, రాళ్ళు పూలుగ మారున్

మువ్వల సవ్వడి చేసెడి 

దివ్వెలగు వనితలు యున్న తీర్థమునందున్

భార్గవి కళా పీఠము విజయవాడ కేంద్రము

26.09.2024 గురువారము 

అంశము: చిత్ర‌ కవిత (తిరుపతి లడ్డూ)

ఇరువంటి దుర్గా మాధురీ దేవి (నాగిని)

ఇతరములేవియు లేవా

మతులకు ప్రాధాన్యత గల మంటలు గలవే

ప్రతి ఘటనలు వానిని మన

బ్రతుకుల నుండి దరుమరను ప్రశ్నలు గలవే

బదులుగ తెలిపెద వినుమా

యుదరము గైకొను సమస్త యుత్పత్తులనే

ముదముగ నర్పణ చేసిన

కదలు తరంగములు నిౙము! కష్టము రాదే

భారత వచనము విడౘుౘు

ధారగ నితరుల పలుకులు తప్పక నమ్మే

వారలకేమని చెప్పుట!

ప్రేరణ నికనైనను గొని వేదము వినుమా

కనులకు నగుపింౘనిచో

నగుబాటు వలదు! మనమున నమ్మిన గలుగున్

చిగురులు జ్ఞానమునదియే

సెగలేలన నీ పరిధి నిశీధి! యెదుగుమా

వాగ్దేవి కళా పీఠము విజయవాడ కేంద్రము 

27.09.2024 శుక్రవారము 

అంశము: న్యస్తాక్షరి 

ఇరూవంటి దుర్గా మాధురీ దేవి (నాగిని)

(బు)ల్లి పాపాయి పలుకులు ముద్దులొలుకు

కల్ల కపటము లెఱుగరు! గ(డు)సు తనము

యూహ కందదు! (మే)టిగ స్నేహ గుణము

ౘూపుౘుందు(రు)! నవ్వులు శోభ చిలుకు

వాగ్దేవి కళా పీఠము విజయవాడ కేంద్రము 

21.10.2024 సోమవారము 

అంశము: వర్ణన - విద్యుత్తు 

ఇరువంటి దుర్గా మాధురీ దేవి (నాగిని)

హైదరాబాద్ 

ప్రక్రియ: తేటగీతి మాలిక

ౘదువు రాదు బాలునకని సాగనంపి

పత్రమంద చేసిన ఘన పాఠశాల

తలను వంౘునట్లు తనదు చేతల నందు

పట్టుదలను ౘూపుౘు బాలుడైన

సుతుని మేధావిగా నిల్పి జ్యోతి నింపె

నేడు విశ్వమంతటికిని ఱేడు యతడు

యెడిసనుడు నాన్సికి జయము నిచ్చె! ఘనుడు

వాగ్దేవి కళా పీఠము విజయవాడ కేంద్రము 

22.10.2024 మంగళవారము 

అంశము: దత్తపది 

ఇరువంటి దుర్గా మాధురీ దేవి (నాగిని)

హైదరాబాద్ 

ప్రక్రియ: కంద పద్యము 

పాణిన పట్టెను వీణను 

వాణి! సరస్వతి! విరించి పత్ని శిరమ్మున్

వేణియ నీలపు వర్ణము!

రాణింౘును మది జననిని ప్రార్థించినచో

గురువులు పెద్దలు దోషములున్న మన్నించి తెలుప మనవి 

వాగ్దేవి కళా పీఠము విజయవాడ కేంద్రము

04.11.2024 సోమవారము

అంశము: వర్ణన (కార్తిక సోమవారము)

ఇటువంటి నాగ దుర్గ మాధురీ దేవి (నాగిని) హైదరాబాద్ 

మా తల్లి యుమా సహితము

భూతలమున జీవుల గన! ముగ్ధయు హరుడున్

శీతలమగు శిఖరము విడి

యేతెంచెడి వారము యిది! హితమును గూర్చన్

వాగ్దేవి కళా పీఠము విజయవాడ కేంద్రము 

05.04.2024 మంగళవారము 

అంశము: దత్తపది 

ఇరువంటి నాగ దుర్గా మాధురీ దేవి (నాగిని) హైదరాబాద్ 

(ముద్దు)లొలుకు బాలలతో

(ప్రొద్దు) సుళువుగా ౙరుగును మువ్వల సడితో

(బొద్దుగ) పెంౘుట మోదము

మొద్దుగ నుంౘ వలదు గద మోహము తోడన్

వాగ్దేవి కళా పీఠము విజయవాడ కేంద్రము 

బుధవారము 06.04.2024

అంశము: సమస్యాపూరణము

ఇరువంటి నాగ దుర్గా మాధురీ దేవి (నాగిని)

హైదరాబాద్ 

కలికాలపు మాయ జనుల!

చలికాలమున వడదెబ్బ చప్పునఁ దగిలెన్

కలమును పట్టిన కవి మది

తలపులనందున! హతవిథి! తగునా హయ్యో

వాగ్దేవి కళా పీఠము విజయవాడ కేంద్రము 

07.11.2024 గురువారము

అంశము: చిత్ర కవిత

ఇరువంటి నాగ దుర్గా మాధురీ దేవి (నాగిని)

హైదరాబాద్ 

అమ్మ వారి ముందఱాడు వారు మదిని

భక్తి నిండి యుండు! వత్సరముల

పాటు వీడరసలు పోటు! కళను పట్టు

పోతురాౙు లండి! పుణ్యధనులు

వాగ్దేవి కళా పీఠము విజయవాడ కేంద్రము 

08.11.2024 శుక్రవారము 

అంశము: న్యస్తాక్షరి కార్తికము

ఇరువంటి నాగ దుర్గా మాధురీ దేవి (నాగిని) హైదరాబాద్ 

(కా)మిత ఫలముల నొసగే

భామిని కామాక్షి యా(ర్తి) బాపుౘు పథమున్

స్వామిని చేర్చుచు మన (క)ల

ప్రేమగ దీర్చుచు (ము)దమును పెంౘును ధర పై

[12/11, 19:29] Durga Madhuri Devi Nagini: వాగ్దేవి కళా పీఠము విజయవాడ కేంద్రము

11.11.2024 సోమవారము 

అంశము: వర్ణన 

ఇరువంటి నాగ దుర్గా మాధురీ దేవి నాగిని హైదరాబాద్ 

కార్తిక మాసము దీపము

మూర్తిగ నిలువని శివునకు మోదము గాదే

కీర్తియు కామ్యములన్నియు

పూర్తిగ దీరిన పిదపన మోక్షము గలుగున్

[12/11, 19:44] Durga Madhuri Devi Nagini: వాగ్దేవి కళా పీఠము విజయవాడ కేంద్రము 

12.11.2024 మంగళవారము: దత్తపది

అదుపు కదుపు పదుపు మదుపు

ఇరువంటి నాగ దుర్గా మాధురీ దేవి (నాగిని) హైదరాబాద్ 

(అదుపు) లేని పలుకు హాని కలుగ చేయు

(కదుపు) లేని బ్రతుకు కలదె? ధరణి?

(పదుపు) ముందు యింటి పరువు దీయ వలదు

(మదుపు) మేలు గూర్చు! మనకు భువిని

వాగ్దేవి కళా పీఠము విజయవాడ కేంద్రము 

బుధవారము 13.11.2024

సమస్యాపూరణము

ఇరువంటి నాగ దుర్గా మాధురీ దేవి (నాగిని) హైదరాబాద్

లోక వాక్కు యిది సతిని రొష్టు పెట్టి

కొంప కొల్లేరుఁ జేసెడి కొడుకు మేలు

యత్త‌మామల నారళ్ళు నతిగ పెట్టి

దెయ్యమై యాడు కోడలు తీపి నేడు!

వాగ్దేవి కళా పీఠము విజయవాడ కేంద్రము 

14.11.2024 గురువారము 

అంశము: చిత్ర కవిత 

ఇరువంటి నాగ దుర్గా మాధురీ దేవి (నాగిని) హైదరాబాద్

పూతరేకు రూపు పోలు పలు విధముల

వంట లెన్నొ నేడు పండుౘుండె

జనుల నోళ్ళనందు గనగ దాని రుచియు

మాత్రమందలేవు సూత్రమైన!

పిన్నపెద్దలంట వేనోళ్ళ మెౘ్చు యీ

ధవళ వర్ణమునకు తగిన రీతి

నిరుపమానమగు గనిగ వెల్గు రేకుకు

సమము లేదు సుమ్మి! శైలి వేరు