గాయకుడు శ్రీ పతి పండితారాధ్యుల బాల సుబ్రహ్మణ్యం గారి సంస్మరణ సందర్భంగా

 కవుల పదము పొందె కమ్మని గాత్రము

నీదు గళము నందు నేర్పు నందె!

యెంత కఠినమయ్య యిటుల జేసే విధి

నిన్ను గొనెను గాదు నీదు పాట

గగన సీమ జేరి గానము జేయుచు

దివిజుల మురిపించు దివిటి! కంట

నీరు ఆగకుండ కారుచుండెనిచట

మాకు! న్యాయమేన మరుగవటము!

బాలు పాడు పాట బహుతీపి! పలుకులు

తేనె లూరు! తాను తీసి పోరు

నటన యందు గూడ! నారద సముడట

గాత్రమందు! యెంత ఘనుడవయ్య!!