శార్వరి యనూజ! నూతన
పర్వ మునకు తెఱఁను దీయ వచ్చేయమ్మా
యుర్విని గమ్మిన పురుగను
దర్వము దరమఁగ సఱగుఁన దయసేయమ్మా
నూతన వత్సరమా మా
హూతిఁ గొని దిరిఁగి యొసగుమ హోత్సాహమ్మున్
సేతువు గట్టిన మువ్వురు
మాతల ముద్దుల తనయుని మనువుకు రమ్మా
అలసి సొలసితిరిట గడచిన కాలమున్
జనులు ప్రాణ హాని జరుగు ననుచు
గడప దాటకుండ కాలము గడిపిరి
మంచి జేయ రమ్మ! మహికి ప్లవమ!
ఆమని!రమ్మిట! కోయిల తీయగ రాగము వీనుల విందుగ పాడును
మామది నిండుగ స్వాగత మిత్తుము మామిడి తోరణ మాలగ ముంగిట
ప్రేమగ యార్తిని బాపుమ వేదన పెంచక; భూమిజ నాథుని యల్లుడు
రాముని ప్రార్థన జేసెద మేమిట రక్షణ తక్షణ మిమ్మని
No comments:
Post a Comment