మగువ మహరాణి కవితా వేడుక శ్రావణ మాస ఆరాధన:

మగువ మహరాణి కవితా వేడుక

శ్రావణ మాస ఆరాధన:

ఇరువంటి (సోమరాజు) మాధురీ దేవి [నాగిని]

క్రమసంఖ్య: 1 - 18

*1*

సురనుత! లక్ష్మి! యిద్ధరికి శోభను గూర్చు శుభాంగి! యంబుజా

కరముల పట్టి యందముగ కాంచన పద్మము లెల్ల ధారగన్

సిరులను మాకొసంగు సఖి! శ్రీహరి వెంట పఱుంగిడేవు యీ

ధరణిన భక్తబృందముకు ధైర్యము నీయగ పద్మసుందరీ

*2*:

పలికెద నీదు మాతృ హృది భక్తజనాళికి పంచు పేర్మి నే

దలచెద నా మనస్సున కృతజ్ఞత నిండగ మూసి కన్నులున్

పిలచెద తల్లి కష్టములు భీతిలచేయగ నమ్మి యంబికా

యలుసుగ చూడబోకు నను! నాపద గాచుమ పద్మ సుందరీ

*3*:

శూలముఁ బట్టి యుద్ధమున జోరుగ సాగి మదమ్మునూగు యా

డోలుని మట్టుబెట్టి నిను డోలికలందున నిల్పుకొందునే

మాలతి నీయశస్సుకు సమానము నీ ధర నందు లేదు మా

వేలుపు నీవు గైకొని నివేదన గాచుమ! పద్మ సుందరీ

*4*:

కాలుని పాశమీ యిలను కాష్టము వోలెను మండు చుండగన్

పాలక వర్గముల్ తమ పంతము వీడవు వైరి మూకలున్

వ్రాలును దాటి హద్దులు! జవానులు ప్రాణము లెక్క సేయకన్

హేలను పంచు సైనికుల నెన్నడు వీడకు పద్మ సుందరీ

*5*:

సూక్ష్మపు వానివైన యును జోగుచు పోరును సల్పుచుందురే

లక్ష్మి! సమృద్ధి వృద్ధిని గొని ప్రజ్ఞను సాగరదేలనో జనుల్

పక్ష్మము పాటు వీడినను పంతము మేలును గల్గునీ

సూక్ష్మమునే గ్రహింపకయు శోకము నుందురు పద్మ సుందరీ

*6*:

వర్తనమందు ద్వందమును బట్టి సమస్యలు దెచ్చుచుందురే

కీర్తి యశస్సు కోసమని కీడును చేయుచు బాహ్యమందు నన్

నర్తనమాడుచుందురుగ నమ్మిన వాఱిని ముంచి పైన తా

మార్తిగ నుండుచుందురట హాయిగ నుందురు పద్మ సుందరీ

*7*:

బాలుర విద్య చూడ బహు పాట్లను మ్రోయుచు నీరు గారెనే

వ్రాలగ వెన్నుపూసలు సవాలుగ మారగ వంగిపోవుచున్

పీలగ శక్తి జారగ వివేకము శూన్యము గాగ నిత్యమున్

తేలుచు నుండి నంతిమము దీనత నొందిరి పద్మ సుందరీ

*8*:

చేనుకు పట్టె చీడలు సుశిక్షితులెవ్వఱు రైతు వర్గమున్

మేనుల కష్టపెట్టినను మేలును గూర్చు విధమ్మెఱుంగకన్

పానము తీసికొంటిరిల; ప్రార్థన నీకిదె ధాన్య లక్ష్మి మా

దీనత దీయు దేవతవు దీవెన లీయుమ పద్మ సుందరీ

*9*:

భార్గవి! తండ్రి శాపమును పట్టిన నీమము నేగిపోవగన్

స్వర్గము వీడి! పేదరిక భారము యింద్రుని క్రుంగదీయగన్

మార్గము వేఱు తోౘక సమస్యను ద్రుంౘ! వేడెనింద్రుడే

నిర్గుణ రూపుడౌ హరిని! నీదయ కోసము పద్మ సుందరీ

*10*:

సంద్రపు లోతునున్న సిరి జాడను గైకొన చిల్కి పాలనే

కేంద్రపు స్థానమందు తమ కీలకమౌ గిరి నిల్పి దీక్షగన్

యింద్రుడు వొందె సంతసపు హేలలదేమన కామధేనువున్

చంద్రుడు నీవు దక్కె! తప సంపద లోటుయు దీరిపోయెనే

*11*:

కపటము కుళ్ళు వంచనయు కల్మష బుద్ధులు తోటి వాఱిపై

యపప్రద మోపి హర్షమున యాడుచు శిష్టుల బాధ పెట్టుటన్

తపముగ జేయుచుండుట ధాత్రిన మ్రింగగ ధర్మ బోధలన్

శపథము పూని గాచు ధర సత్యము! యశోక! పద్మ సుందరీ

*12*: