భావుక పోస్ట్

 #పిల్లలమీదప్రేమజనించినక్షణం

ఎక్కడని మొదలుపెట్టను? 

తొట్ట తొలిగా గర్భిణినీ అని తెలిసినప్పుడా?

తొట్టతొలిగా బిడ్డ స్పర్శ గర్భంలో తెలిసినప్పుడా?

తొట్ట తొలిగా బిడ్డను చేతులలోకి అందుకున్న ఆ క్షణమా?

ఇది "నాదీ" అని దేవుడు నాకు ఇచ్చాడని అర్ధమైన క్షణమా? 

ఆనందభాష్పాలు రాలుతున్న గత 11 సంవత్సరాల ప్రతిక్షణమా?

అడుగడుగునా బిడ్డ పాలు తాగుతున్నప్పుడు పొందుతున్న ఆనందాన్ని, కేరింతల కొడుతూ వళ్ళో దూకుతున్న క్షణాలను, ఎన్ని పొదివి పట్టుకున్నానో?

ఇలాగే కొన్ని వేదికల మీద వ్రాశాను కూడాను. ఎక్కడ మొదలు పెట్టను?

బాబు నా చేతులలో ఉండంగానే ఉద్యోగాల్లో కూడా అందుకున్న విజయాల గురించా? 

అంతర్జాతీయ స్థాయిలో ప్రచురితమైన నా పేపర్ల గురించా? 

ఒకటి రాస్తే ఇంకొకటి తక్కువ చేసినట్టే, అన్నీ సమమే కదా మనకి.

మచ్చుకి ఇదిగో! 

1.

పిల్లలకి ఇష్టం అని, చిన్న ప్లాస్టిక్ గద బొమ్మ కొన్నాను ఓ సారి. ఓ గుడి దగ్గర ఉండంగా చేతులలో ఉన్న పిల్లవాడు అది చూసి ఆనంద పడటం గమనించి. అదీ సింధూర వర్ణంలో. ఇక ఆగుతానా మరి? అయితే, అలవాటు ప్రకారం అమ్ముకున్న కవరు తీయకుండా ఆడించేస్తున్నాను. అలా అడిస్తూనే పక్కనేదో పని చేసుకుంటున్నాను. ఒక్కసారిగా ఆ గదిమకి ఉన్న వల (అదే కవరు) - అందులో వేళ్ళు చిక్కుకుని పిల్లవాడు బాధపడ్డాడు. గట్టిగా ఏడ్చాడు. అంతే, విలవిలలాడి పోదూ నా ప్రాణం?

ఎలా ముని వేళ్ళతోనే కత్తిరించానో తెలియదు, వలను చీల్చి పడేసాను.

తర్వాత చూస్తే నాకే ఆశ్చర్యం వేసింది.

2.

అలాగే పిల్లవాడిని వడిలో వేసుకుని మరోసారి, ఆఫీస్ మెయిల్ కి అలవాటు ప్రకారం మొబైల్ నుంచిని స్పందన ఇస్తున్నాను. పుట్టింట్లో ఉన్నాను అప్పుడు. మామూలుగా బొద్దింక కనబడితేనే, అసలు నోరెత్తిని నేను, అన్ని వీధులకు వినబడే లాగా అరుస్తాను భయంతో. నిజానికి ఆ అరుపు గొంతు దాటి రాకపోయినా, నా భయం అలా ఉంటుంది. అలాంటిది, ఆ రోౙు, ఓ పురుగు నా వైపుగా వస్తోంది. వడిలో బాబు ఉన్నాడు. చూసేవాళ్ళకు అది చిన్న సంఘటననే కావచ్చు. నా మటుకు మాత్రం నాకది, మరుగుజ్జు కొండ ఎక్కినట్టే. ఎలా తీశానో తెలియదు, ఆ పురుగుని ఎడమ చేతితో అంత దూరానికి విసిరేసాను. అది మళ్ళీ నా వైపుగా వస్తుంటే, పక్కన ఖాళీగా ఉన్నావ్ ప్లాస్టిక్ డబ్బానికి తిరిగేసి మూత పెట్టాను దాని మీద. 

బయటనుంచి లోపలికి వస్తూ, గుమ్మానికి ముందరే కాళ్ళు కడుక్కుంటున్న మా అన్నయ్య, నాకు సాయం చేయడానికి వేగంగా నా వైపుకు రాబోతూ, ఇది చూసి, ఎంత ముచ్చట పడ్డాడో. ఎంత మెచ్చుకున్నాడో.

3.

ఉయ్యాలలో ఉన్న పసివాడు, బొంతలు కప్పినా, చలిగా ఉందని వణుకుతూ ఉంటాడేమో, ఇబ్బంది పడుతూ ఉంటాడేమో అని, ఇదీ పుట్టింట్లో ఉన్న రోౙున సంగతే, వంట గదిలో అమ్మకేదో సాయం చేద్దామని వెళ్ళిన నేను, కాస్సేపటికే గదిలోకి వచ్చి చూస్తే, బొంతలన్నీ కాళ్ళతో తన్నేసి, హాయిగా నవ్వుతూ ఆడుకుంటున్నాడు.

నీ పని ఇలా ఉందా అని, చేతులకి గ్లౌజు, కాళ్ళకి సాక్సులు తలకి క్యాపు తొడిగేసి, తల చుట్టూత మళ్ళీ బరువు అయిన గుడ్డలు అడ్డు పెట్టి, "ఇప్పుడు చెప్పు" అన్నట్టు చూశాను. నవ్వాడు. 

"ఇప్పుడు అమ్మమ్మ వస్తే నువ్వు ఓడిపోయావు అనీ, నేను గెలిచానని ఎలా చెబుతావు, నిన్ను కట్టేసాను కదా అన్నిటితో", అన్నాను. అప్పటికే మా అమ్మ కూడా వచ్చేసింది ఆ గదిలోకి. "భలే కట్టేసింది రా, మీ అమ్మ నిన్ను", అని ముచ్చట పడింది మా అమ్మ. ఎందుకంటే నేను చాలా బద్ధకస్తురాలిని మరి. కానీ ఈ పని ఎలా చేసేసాను, అసలు ఆలోచన ఎలా వచ్చేసిందో నాకు, అని అమ్మ సంతోష పడింది.

మా అమ్మ అలా అంటూ ఉండంగా, నేను "ఇప్పుడు చెప్పు", అన్నట్టు చూశాను కదా. కాళ్ళవీ, చేతులవీ కూడా, ఆడుతూనే తీసేసి, హాయ్ చెప్పినట్టు ముని వేళ్ళూపాడు, మా అమ్మ వంక చూస్తూ, 

నవ్వుతూ.

"నేనే ఓడిపోయానే" అనుకున్నాను.

శ్రీ దుర్గా సప్తశతి

 _*🌷శ్రీ దుర్గా "సప్తశతీ" భాష్యము:🌷*_

🕉️🔱🕉️🔱🕉️🔱🕉️🔱🕉️🔱🕉️

_*👉 ముందుమాట:*_

_లోకంలో కష్టాలు కలిగినప్పుడూ, బాధలు కలిగి నప్పుడూ మంత్రశాస్త్రంలో అందునా "శ్రీ విద్య"లో ప్రవేశమున్న వారంతా ‘సప్తశతి' పారాయణ చేస్తుంటారు. చెయ్యటం రాకపోతే ఎవరితోనైనా చేయిస్తుంటారు. సప్తశతి పారాయణ చేసినట్టైతే కష్టాలు తొలిగిపోయి సుఖశాంతులతో వర్థిల్లుతారనేది అక్షరసత్యం._

_దేవీనవరాత్రులలో గాని, ముఖ్యమైన ఇతర దినాలలోగాని సప్తశతి హోమం కూడా చేస్తారు. ఇది సర్వకార్యసిద్ధి. అయితే సప్తశతి అంటే ఏమిటి? అందులో ఏం చెప్పబడింది? అనే విషయాలు చాలామందికి తెలియవు. రామకృష్ణమఠం, బాలసరస్వతీ బుక్ డిపోల వంటివారు సప్తశతిలోని శ్లోకాలకు అర్థం మాత్రం వ్రాశారు. అవి కొంత వరకూ ఉపయోగమే._

_*సప్తశతి మొత్తం మూడు భాగాలుగా, పదమూడు అధ్యాయాలుగా ఉంటుంది. మొదటి భాగము ప్రథమచరితము. ఇందులో మధుకైటభుల వథ చెప్పబడింది. రెండవభాగము మథ్యమ చరితము. ఇందులో మహిషాసుర వధ చెప్పబడింది. మూడవ భాగము ఉత్తమ చరితము. ఇందులో శుంభ నిశుంభుల వథ చెప్పబడింది. ఈ మూడు భాగాలు మహాకాళి, మహాలక్ష్మి, మహాసరస్వతుల రూపాలు. పరమేశ్వరి ఆ రూపాలలో రాక్షససంహారం చేసింది. ఇందులోని మొదటి అధ్యాయంలో బ్రహ్మదేవుడు చేసిన పరమేశ్వరి స్తుతి, నాల్గవఅధ్యాయంలో శక్రాదిస్తుతి, ఐదవ అధ్యాయంలో దేవతలు చేసిన స్తుతి, పదకొండవ అధ్యాయంలో నారాయణీస్తుతి చాలా ముఖ్యమైనవి. కేవలము ఈ స్తోత్రాలను పఠించినంత మాత్రం చేతనే, సప్తశతి పారాయణ చేసిన ఫలితము వస్తుంది. అందుచేత గ్రంథం వ్రాసేటప్పుడు ఈ స్తోత్రాలకు సాధ్యమైననంత వరకు విశేషవాఖ్య చెయ్యటం జరిగింది.*_

_గతంలో నేను గరుడ పురాణం, శ్రీ లక్ష్మి నరసింహ పురాణం, ఈ దత్త పురాణం ఇలా అనేక గ్రంథాలను పోస్టు చేశాను. వీటన్నిటిని ఎలా ఆదరించారో సప్తశతి కూడా ఆదరిస్తారని ఆశిస్తూ... ధన్యవాదములు._

_*రేపటి నుండి మొదలుపెడదాం...*_

_*శ్రీ మాత్రే నమః శ్రీ మాత్రే నమః శ్రీ మాత్రే నమః శ్రీ మాత్రే నమః శ్రీ మాత్రే నమః*_

🕉️🙏🕉️🙏🕉️🙏🕉️

పార్వతీ దేవి 108 పేర్లు

 #పార్వతి అమ్మోరు (అమ్మవారు )గా గ్రామాలలో గ్రామదేవతయై గ్రామాలను రోగాల బారినుండి రక్షిస్తుందని బలమైన నమ్మకం .

ఈ అమ్మోరు మొత్తం 101 మంది అక్కాచెల్లెళ్లు అని వీరందరికి ఒకేఒక్క తమ్ముడు పోతురాజు అని అంటారు .వారిలో కొందరు .

1.పాగేలమ్మ

2.ముత్యాలమ్మ

3 .గంగమ్మ

4.గంగానమ్మ

5.బంగారమ్మ

6.గొంతెమ్మ

7.సత్తెమ్మ

8.తాళమ్మ

9.చింతాలమ్మ

10.చిత్తారమ్మ

11.పోలేరమ్మ

12.మావుళ్లమ్మ

13.మారెమ్మ

౧౪.బంగారు బాపనమ్మ

15.పుట్టానమ్మ

౧౬.దాక్షాయణమ్మ

17.పేరంటాలమ్మ

18.రావులమ్మ

19.గండిపోచమ్మ

20.మేగదారమ్మ

21.ఈరినమ్మ

22.దుర్గమ్మ

23.మొదుగులమ్మ

24.నూకాలమ్మ (అనకాపల్లి ,విశాఖజిల్లా )

25.మరిడమ్మ

26.నేరెళ్లమ్మ

27.పుంతలో ముసలమ్మ (మెయ్యెరు ,అత్తిలిదగ్గర ,పశ్చిమగోదావరిజిల్లా )

28.మాచరమ్మోరు

29.మద్ది ఆనాపా అమ్మోరు

30.సొమాలమ్మ

31.పెద్దయింట్లమ్మ

32.గుర్రాలక్క (అంతర్వేది ,తూర్పుగోదావరిజిల్లా గుర్రాలమ్మ )

33 .అంబికాలమ్మ

34.ధనమ్మ

35.మాలక్షమ్మ

36.ఇటకాలమ్మ

37.దానాలమ్మ

38.రాట్నాలమ్మ

39.తలుపులమ్మ

40.పెన్నేరమ్మ

41.వెంకాయమ్మ

42.గుణాళమ్మ

43.ఎల్లమ్మ (విశాఖపట్నం )

44.పెద్దమ్మ

45.మాంటాలమ్మ

46.గంటాలమ్మ

47.సుంకులమ్మ

48.జంబులమ్మ

49.పెరంటాలమ్మ

50.కంటికలమ్మ

51.వణువులమ్మ

52.సుబ్బాలమ్మ

53.అక్కమ్మ

54.గనిగమ్మ

55.ధారాలమ్మ

56.మహాలక్షమ్మ

57.లంకాలమ్మ

58.దోసాలమ్మ

59.పళ్ళాలమ్మ (వానపల్లి ,తూర్పుగోదావరిజిల్లా )

60.అంకాళమ్మ .

61.జోగులమ్మ

62.పైడితల్లమ్మ

63.చెంగాళమ్మ

64.రావులమ్మ

65.బూరుగులమ్మ

66.కనకమహాలక్ష్మి (విశాఖపట్నం )

67.పోలమ్మ

68.కొండాలమ్మ

69.వెర్నిమ్మ

70.దే శిమ్మ

71.గరవాలమ్మా

72.గరగలమ్మ

73.దానెమ్మ

74.మహాంకాళమ్మ

75.వేరులమ్మ

76.మరిడమ్మ

77.ముళ్ళ మాంబిక

78.యలారమ్మ

79.వల్లూరమ్మ

80.నాగులమ్మ

81.వేగులమ్మ

82.ముడియలమ్మ

83.రేణుకమ్మ

84.నంగాలమ్మ

85.చాగాలమ్మ

86.నాంచారమ్మ

87.సమ్మక్క

88.సారలమ్మ

89.మజ్జిగౌరమ్మ

90.కన్నమ్మ -పేరంటాలమ్మ

91.రంగమ్మ -పేరంటాలమ్మ

92.వెంగమ్మ -పేరంటాలమ్మ

93.తిరుపతమ్మ

94.రెడ్డమ్మ

95.పగడాలమ్మ

96.మురుగులమ్మ (బండారులంక ,తూర్పుగోదావరిజిల్లా )

97.కుంచమ్మ విశాఖపట్నంలో

98.ఎరకమ్మ

99.ఊర్లమ్మతల్లి

100.మరిడమ్మ

101.సుంకాలమ్మవ్వ ఉన్నారు .

శుభ శుభోదయం

గ్రామ దేవతలకు మాత్రమే ఉండే శక్తులివి.. వీరిని పూజిస్తే ఎన్ని రకాల ప్రయోజనాలో.గ్రామ దేవతలు పొలిమేరల్లో ఉంటూ ఊరిని రక్షిస్తుంటారని నమ్ముతారు. ఈ దేవతలు భారతీయ గ్రామీణ సంస్కృతిలో, ముఖ్యంగా తెలుగు ప్రాంతాల్లో లోతైన స్థానాన్ని కలిగి ఉన్నాయి. వీరు దాని ప్రజలను రక్షించే శక్తులుగా ఎప్పటినుంచే విశ్వసిస్తుంటారు. గ్రామ దేవతలను పూజించడం వల్ల ఆధ్యాత్మిక, సామాజిక, వ్యవహారిక ప్రయోజనాలు లభిస్తాయి. ముఖ్యమైన పనులకు ముందు వీరిని సేవించడం వల్ల ఎన్ని ప్రయోజనాలు కలుగుతాయో చూడండి..గ్రామ దేవతలు గ్రామాన్ని రోగాలు, అంటువ్యాధులు, సహజ విపత్తుల నుంచి కాపాడతాయని నమ్ముతారు. ఉదాహరణకు, సిఫిలిస్ వంటి వ్యాధులను నియంత్రించే అమ్మవారుగా గంగమ్మను ఆరాధిస్తారు. వరదలు, కరువు వంటి సహజ విపత్తుల నుంచి రక్షణ కోసం కూడా ఈ దేవతలకు పూజలు చేస్తారు. తెలంగాణలో బోనాలు వంటి పండుగల సమయంలో ఈ దేవతలను సంతృప్తి చేయడం ద్వారా గ్రామం ఆరోగ్యంగా, సురక్షితంగా ఉంటుందని విశ్వాసం. ఈ పూజలు గ్రామస్థుల భయాలను తొలగించి, వారికి మానసిక ధైర్యాన్ని అందిస్తాయి.వ్యవసాయ సమృద్ధి

గ్రామ దేవతలలో చాలా మంది వ్యవసాయ సంబంధిత దైవాలు. కుంకుళ్ళమ్మ, గోగులమ్మ, జొన్నలమ్మ, నూకలమ్మ వంటి దేవతలు జొన్నలు, సజ్జలు, వరి వంటి పంటలతో ముడిపడి ఉన్నాయి. ఈ దేవతలను పూజించడం ద్వారా రైతులు సమృద్ధమైన పంటలను, ఫలవంతమైన భూమిని పొందుతారని నమ్ముతారు. గ్రామ సరిహద్దుల్లో (పొలిమేరల వద్ద) చేసే పూజలు నీటి సరఫరా, కీటకాల నుంచి రక్షణ, అనుకూల వాతావరణాన్ని నిర్ధారిస్తాయని రైతుల విశ్వాసం. ఈ ఆచారాలు వ్యవసాయ ఆర్థిక వ్యవస్థకు బలాన్ని ఇస్తాయి.

సామాజిక ఐక్యత, సామరస్యం

గ్రామ దేవతల పూజలు సమాజంలో ఐక్యతను, సామరస్యాన్ని పెంపొందిస్తాయి. ఈ పూజలు, జాతరలు గ్రామస్థులందరినీ ఒకచోట చేర్చుతాయి, కుల, సామాజిక హోదా భేదాలను అధిగమిస్తాయి. బోనాలు, ఇతర ఉత్సవాల సమయంలో అణగారిన వర్గాల వారు కూడా సమానంగా పాల్గొంటారు. ఈ సందర్భాల్లో గ్రామస్థులు కలిసి పనిచేయడం, ఆచారాలను జరుపుకోవడం ద్వారా సామాజిక బంధాలు బలపడతాయి. ఈ ఐక్యత గ్రామ సంస్కృతిని, సాంప్రదాయాలను కాపాడుతుంది.ఆధ్యాత్మిక శాంతి

గ్రామ దేవతల పూజ ఆధ్యాత్మిక శాంతిని, దైవ ఆశీస్సులను అందిస్తుందని భక్తులు విశ్వసిస్తారు. ఈ దేవతలు శక్తి స్వరూపంగా, గ్రామస్థుల అవసరాలకు స్పందించే సన్నిహిత దైవాలుగా భావిస్తారు. వైదిక దేవతలతో పోలిస్తే, గ్రామ దేవతల పూజలు స్థానిక మంత్రాలతో, సరళమైన ఆచారాలతో జరుగుతాయి, ఇవి మహిళలు, సామాన్య భక్తులకు సులభంగా అందుబాటులో ఉంటాయి. ఈ ఆధ్యాత్మిక అనుబంధం భక్తులకు మనశ్శాంతిని, జీవితంలో ధైర్యాన్ని ఇస్తుంది.

చెడు శక్తుల నుంచి రక్షణ

గ్రామ దేవతలు దుష్ట శక్తులు, ఆత్మలు, ఇతర అతీంద్రియ బాధల నుంచి గ్రామాన్ని కాపాడతాయని నమ్ముతారు. పోతురాజు, ఈ దేవతల సోదరుడిగా భావించబడి, చెడు శక్తులను తరిమికొడతాడని విశ్వాసం. గ్రామ సరిహద్దుల్లో, వేప, మామిడి చెట్ల కింద ఈ దేవతల స్థానాలు ఉండటం వల్ల గ్రామం చుట్టూ ఒక రక్షణ కవచం ఏర్పడుతుందని భావిస్తారు. ఈ నమ్మకం గ్రామస్థులకు మానసిక భద్రతను, భయము నుంచి విముక్తిని కలిగిస్తుంది.రోడ్డు ప్రమాదాల నుంచి రక్షగా..

ఏదైనా దూర ప్రయాణం కోసం కుటుంబం, స్నేహితులతో కలిసి వెళ్తుంటారు. గుడులు పుణ్యక్షేత్రాలను దర్శిస్తుంటారు. ఇలాంటప్పుడు వెళ్లిన వారు తిరిగి క్షేమంగా ఇంటికి చేరాలంటే గ్రామదేవతల వల్లే సాధ్యమని పూర్వం నుంచి వస్తున్న నమ్మకం. అందుకే ఇంటి నుంచి బయలుదేరే ముందు వారి దర్శనం చేసుకుని వెళ్తుంటారు. తిరిగి ఇంటికి చేరుకున్న తర్వాత పొలిమేరల్లో ఆగి అమ్మవారికి దండం పెట్టుకుని సురక్షితంగా ఇంటికి చేరకుంటారు. ఇలా నమ్మిన భక్తులను ఈ దేవతలు రక్షగా కాపు కాస్తుంటాయని పండితులు చెప్తున్నారు.

వ్యక్తిగత, కుటుంబ సౌఖ్యం

గ్రామ దేవతలను పూజించడం ద్వారా వ్యక్తులు, కుటుంబాలు సంపద, సంతానం, సంతోషం కోసం ఆశీస్సులు పొందుతారని నమ్ముతారు. ఆషాఢ మాసంలో కొత్తగా పెళ్లైన మహిళలు తమ తల్లిదండ్రుల ఊరికి వచ్చి ఈ దేవతలను పూజిస్తారు, ఇది కుటుంబ బంధాలను బలపరుస్తుంది. సత్తెమ్మ (సత్వం), కట్టమైసమ్మ (ఆయుష్షు రక్షణ) వంటి దేవతలు వ్యక్తిగత రక్షణ, దీర్ఘాయుష్షు కోసం ఆరాధించబడతాయి. ఈ పూజలు కుటుంబ సౌఖ్యాన్ని, సంతోషాన్ని పెంచుతాయి.