సజల నేత్రి - సంద్రమునకు ధాత్రి

నయనమను నీల మేఘము వర్షించి సంద్రము కాగా

నీలవర్ణమున ఉబికే నయనపు నీటి మాటున
అలలుగ‌ తేలిన బాధను బిగిసిన పంటి చాటున
కరిగిన కలలకు సాక్ష్యముగ కాటుక కన్నుల నుంచి
జారిపోయిన మత్యమంటి మనసును నేను

చోర లంచగొండిగ ధనము కూడబెట్టిన
గోల్పోయిననేమినది కొంతయె నిష్ట జీవితమ్మున
అతిగ నితరులపైన తన పనులకు సైతం ఆధారపడి
పిమ్మట ఆరోగ్యమ్ము గోల్పోయిననదియు అంత చేటుగాదు
మరి చెప్పుడు మాటలు విని తప్పుడు గుణముల నింపుకొని
ఆదరించు ఆలిని గోల్పోయిననది తనను తాను
మొత్తము గోల్పోవుటయె గాద
గ్రహియింపుమా ఓ పురుషా!

కన్యాశుల్కం - వరవిక్రయం
ప్రక్రియ ఏదైనా ప్రశ్నార్థకం మగువ జీవితమే
ప్రవర మగవానిది ప్రహేళిక ప్రతి ముదితది
ప్రగతి కారకుండు పురుషుండుట
పడతి బానిసలకు ప్రతినిధట
పురుడు మాత్రమే పుడమి రూపుదట
పుణ్యమైతె అది ఆతనిదట
ప్రముఖుడెప్పడు వరుడేనట
ప్రదోషవేళ మనకతని స్మరణమట
ప్రస్థానమ్మున అగ్రపదవతనికట
ప్రతి విషయమందు మనమనుచరులమట
ప్రయోగశాలలం మనమేనట
ప్రయోజనాలెపుడు వారికెనట
ప్రయత్నమ్ము సేయవలదెపుడట
పతిదేవులను మార్చుటకట
పత్ని బ్రతుకుకునెప్పుడు కటకటే
పదములనెప్పటికీ వెనకేనట
పాపమైతేనే మనము ముందట
అక్కటా అన్ని దశ, దిశలయందునూ ఇదే అవస్థట
యుగ, తరములు గడిచినా ఇది మారదట