శ్రీ నృసింహ జయంతి - శార్వరీ నామ సంవత్సరం

• శ్రీమతి లలితాదిత్య నిమ్మగడ్డ గారు పంచిన అనఘమ్మ అనఘయ్య పాట రాగంలో

తదియ నాడు పరశు రాముడు
చతుర్దశమున నారసింహ అంటూ
నవమి ఐతే రామచంద్ర అంటూ
శ్రవణమైతే వేంకటేశ ద్వాదశిన వామన
అష్టమి నాడు కృష్ణా అంటూ
దినమునకొక పేరుతో అర్చించెదమయ్య మిమ్ము
పూజలు మరి సేయలేను కీర్తనలూ వ్రాయలేను
ఫలములు పరమాన్నమస్సలే వడ్డించలేను
ఓ దేవా నువు వినవా మంది లోనీ మాదు మనవి
ఉదరముకై భక్ష్య భోజ్యములు వండేటి జనులు మేము
బువ్వ పెట్టే నీకు అంటె సత్తువ మరి లేదనందుము
ఉల్లాసం సరదాలంటు రొక్కమెంతో పోసే మేము
నీ పేరుతొ చేసే సేవలకై నిక్కముగ తీయబోము
పాపపు భీతి ముదిరితేనే క్షేమము కైన చేరెదము
నేటి మా జీవన శైలిలో అది కూడా విహార యాత్రే
పండుగైనా పబ్బమైనా ప్రతి దినమూ వోలె నాకు
పూని అంటే మరి వృత్తిదే కానీ నీ కొరకేమి చేయలేను
ఊరందరి ముందరకూ పీతాంబరం ధరించే నేను
నీదు ఉత్సవమంటే ఉట్టిగనే ఉంటానందును
ఓపికలు లేవంటూ దాటేసీ విశ్రమించెదనూ
అంతిమంగా చేరేదీ నిన్నే నన్న ధైర్యమేమో
దయయుంచీ ఎంచక మము మన్నించీ కాచుమయ్యా
బిడ్డలము కదా మీకు పెద్దరికం వహించవలయు
అన్నింటా అదిలించక ఆదరించ వెయ్యి మమ్ము