శ్రీ మాత్రే నమః
నీ నామమె మా రక్షయ
శ్రీ నీరజ నేత్ర! రామ! సీతా నాథా
యే నీమము లిక నేలయ
మానవ రూపము వెలసిన మాధవ! చక్రీ!
సత్య వాక్కు పరి పాలకా, ధర్మ గుణ పరి రక్షకా!
నిన్ను స్మరియింౘుటే రక్ష అయినప్పుడు, వేరే కవచమేల!
అందుకే, సాక్షాత్ విశ్వామిత్ర మహర్షి రచించిన నీ అణువణు వర్ణనను చేసుకుంటూ, నిశ్చింతగా నిదురించుచున్నాము.
కరుణతో, *** సార్లు చేసిన మా ఈ పఠనము స్వీకరించి, నీ దయను మాకు *'తెలుప'* ప్రార్థన! దాశరథీ!
శీతల తల్లీ నీకివి
జ్యోతలు గొని ౘల్లగ మము ౘూడుమ సతమున్
కైతలు కీర్తనలను విని
రైతుల గాౘుమ జనని! ధరను నిలుమమ్మా
అని వేడుతున్నాము, ఈ వడ దెబ్బలు, ఏ ఎదురు దెబ్బలు వలదు తల్లీ, నీ బిడ్డలము గద! ౘల్లని ౘూపులనీయవ! ప్రపంచానికి అన్నపూర్ణ లైన రైతులు నీ అంశలే, కల్పవల్లీ వారు కోరిన వాతావరణం తో గాౘుమా అని వినతులిస్తూ, **** సార్లు నీ అష్టకమును ఇష్ట పూర్వకంగా పారాయణ చేసికొన్నాము తల్లీ!
నిన్ను ౘూచినంత నిశియె వెలిగి నింగి
వెన్నెలంత పంౘు వెన్న వలెను
శ్లోకమిటుల ౘదివి శోకమ్ము లన్నియున్
దాటు వరమునిమ్మ! తల్లి మాకు
అంటూ, నాటి నీ భక్తాగ్రేసరుని రాౙు నుంచీ కాపాడినట్లే, నేడు జ్ఞానముతో పాటూ భక్తినీ ఎఱుఁగని మమ్మూ కాపాడమని వేడుకుంటూ, కాపాడేస్తున్నావని నమ్ముతూ, కడగండ్లు లేని భవితనూ, వడగండ్లు వసుధ చేరని వత్సరాలనూ ఊహింౘుకుంటూ నిశ్చింతగా ఉన్నాము, అమావాస్యను బాపి పున్నమి వెన్నెల పంచిన అభిరామీ తల్లీ!
ఆ కృతజ్ఞతతోనే, నిన్ను కృతులనల్లి కీర్తింౘలేకున్నా, అల్లిన స్తోత్రంతో అర్చిస్తూ, ****** సార్లు పఠించాము జననీ.
వందన చందన మాలతో 🙏🏻🙏🏻🙏🏻
స్వామీ కార్తికేయా!
ఆగ్రహాలూ ఉపగ్రహాలే తప్ప, నిగ్రహాలూ గ్రహస్థితులూ ఎఱుఁగని పామరులమే!
నీ అనుగ్రహం కూడా కరవైతే ఇక మేమేమై పోతామో!
అప్పుడు శంకర స్తుతులు శైలజ నుతులూ నిన్నూ స్కంధ పూర్వజుడైన నీ అన్ననూ కొలిచే ఆనందానుభూతిని పోగొట్టుకున్న పేదవాళ్ళమూ అల్పులమూ అయితే, "భక్త వత్సల"తకు చిరునామా ఏదయ్యా మీ సురలోకమునా?
మాకు ఈ గ్రహ కూటములూ ప్రతి కూలతలూ పరిహారాలూ తెలియవు, వద్దు కూడా.
కేవలం నీ కరుణామృతముంటే ౘాలు, గరళమైన సరళముగా సుధలు చిలుకునన్న విశ్వాసముతో, నీ కరావలంబ స్తోత్రమును అందఱమూ కలసి, ప్రణాళికాబద్ధంగా, నిబద్ధతతో, చిత్తశుద్ధితో, పఠింౘటంలో, అన్నిటి కన్నా ప్రాముఖ్యతను చేసుకుని, నీ ౘూపుల ౘల్లదనములో ఓలలాడుతున్న భావనలో నిశ్చింతగా ఉంటూ, ఆ స్తోత్రమును *** సార్లు పారాయణ చేశాము శ్రీ హర గురువా!
హర గురువా కరుణ రసము
గరళము మ్రింగగ జనులకు కలిగెను తలపే
సురసుధ లొలికెను నీ కడ
ధర పై యను భావన గద! తరుముమ బాధల్
లోకాలకు మూలమైన దత్తాత్రేయా!
అనసూయమ్మ శక్తికి చిహ్నము నీవేనయ్యా
ఏమని కోరాలో తెలియని వారము
నీ దయ నీడన నిలచే పరివారము
మమ్ము కాౘుమయ్య మంగళ స్వరూపా!
దత్తాత్రేయా నీ దయ
చిత్తము నందున నిలుపును జీవము దేవా
యొత్తిడి చింతలు ద్రోలుమ
విత్తముగా మోక్ష పథము వేడెదమయ్యా
అమ్మా! పేరు ఏదైనా మేమందఱమూ నిన్ను పిలుౘుకునే విధమిదేగా జననీ!
కలౌ స్మరణాన్ ముక్తిః అంటారు, కానీ మేము ఆ స్మరణము కూడా చేయలేని మాయ లో ఉండటం కూడా నీ లీలే అయితే, నీ శిశువులమైన మేము, స్మరణము చేయలేము అని బాధ పడము!
ఎందు చేతనంటే, ముందు చెప్పినట్లు, మేమంతా సతతమూ నిన్ను "అమ్మా" అని పిలుస్తూనే ఉంటాము కదా!
కాబట్టీ, తప్పు చేస్తామనే బెంగ లేదు, నీవు చేయనీయవు కదా!
కష్టమొస్తుందనే బెంగ కూడా లేదు, నీవు రానీయవు కాబట్టీ!
ఇక మాకు ఈ రకంగా నీ దయ వలన ఏ చింతా లేనప్పుడు మేము చేసేది ఏముంటుంది మాతా! అదే పనిగా "అమ్మా" అంటూ నిన్ను పిలుస్తూ ఉండటం తప్ప!
కనుఁక నిన్ను కరుణనీయమని విడిగా వేడుట లేదు తల్లీ!
వేరుగ కోరము కరుణను
ధారగ కురిపించెడి నిను! తల్లీ శైవీ!
భారము నీవే మోయగ
చేరున! చింతలు శిశువుల చెంతకు! రావే
ఒకరోజు వశిష్ఠుడు విశ్వామిత్రుని ఆశ్రమానికి వచ్చాడు. ఇద్దరూ అనేక విషయాలపై మాట్లాడుకున్నారు.
వశిష్ఠునికి వీడ్కోలు పలుకుతూ విశ్వామిత్రుడు కలకాలం గుర్తుండేలా ఒక విలువైన కానుక సమర్పించాలని భావించి, తన వెయ్యేళ్ల తపశ్శక్తిని ఆయనకు ధారపోశాడు. వశిష్ఠుడు దానిని మహదానందంగా స్వీకరించాడు.
కొన్నాళ్లకు విశ్వామిత్రుడు వశిష్ఠుని ఆశ్రమానికి వచ్చాడు. వశిష్ఠుడు ఆయనకు సకలోపచారాలు చేశాడు. పుణ్యానికి సంబంధించిన ఆధ్యాత్మిక విషయాలపై మాత్రమే ఇద్దరూ మాట్లాడుకున్నారు.
చివరకు విశ్వామిత్రునికి వీడ్కోలు పలుకుతూ వశిష్ఠుడు, అప్పటి వరకు తాము మాట్లాడుకున్న మంచి విషయాల పుణ్య ఫలాన్ని బహుమానంగా ఇస్తున్నట్టు చెప్పాడు.
విశ్వామిత్రుడు చిన్నబోయాడు. తాను కానుకగా ఇచ్చిన వెయ్యేళ్ల తపోఫలానికి ఒక్క పూట సమయంలో మాట్లాడుకున్న మంచి మాటల పుణ్య ఫలం ఏపాటి సాటి వస్తుందని అనుకున్నాడు. అదే విషయాన్ని విశ్వామిత్రుడు వశిష్ఠుడిని అడిగాడు.
తపోఫలమా? సత్సాంగత్య ఫలమా? ఏది గొప్పదో తెలుసుకోవడానికి ఇద్దరూ బ్రహ్మ వద్దకు వెళ్లారు. ఆయన విష్ణువు వద్దకు వెళ్లమన్నాడు. విష్ణువు, దీనికి పరమశివుడే సరిగ్గా సమాధానం చెప్పగలడని చెప్పి ఆయన వద్దకు పంపాడు. ఆయనేమో పాతాళంలో ఉన్న ఆదిశేషుడు తప్ప మరెవరూ ఏ ఫలం గొప్పదో చెప్పలేరని తేల్చాడు.
ఇద్దరూ కలిసి అక్కడకూ వెళ్లారు. వారిద్దరి సందేహం విన్న ఆదిశేషుడు సమాధానం చెప్పడానికి కొంత వ్యవధి కావాలని అడిగాడు. అప్పటివరకు తాను మోస్తున్న ఈ భూలోకాన్ని మీ ఇద్దరూ మోయాలని షరతు కూడా పెట్టాడు. తలపై పెట్టుకుంటే బరువుగా ఉంటుంది కాబట్టి ఆకాశంలో నిలబెట్టి ఉంచండని సలహా ఇచ్చాడు.
విశ్వామిత్రుడు వెంటనే ‘నా వేయి సంవత్సరాల తపోఫలాన్ని ధారపోస్తాను. ఆ తపశ్శక్తితో ఈ భూమి ఆకాశంలో నిలబడుతుంది’ అన్నాడు. అయితే భూమిలో ఏ చలనం లేదు.
అప్పుడు వశిష్ఠుడు అన్నాడు ‘ఒక్క పూట సమయంతో పాటు మేం చర్చించిన ఆధ్యాత్మిక విషయాల వలన కలిగిన పుణ్య ఫలం ధారపోస్తున్నాను. ఆ శక్తితో భూమి ఆకాశంలో నిలబడాలని కోరుకుంటున్నాను’ అన్నాడు.
వశిష్ఠుడు అలా అనగానే, ఆదిశేషుని తలపై ఉన్న భూమి ఆకాశాన నిలబడింది. ఆదిశేషుడు తిరిగి భూమిని తన తలపై పెట్టుకుని ‘మీ ఇద్దరూ ఇక వెళ్లవచ్చ’ని అంటాడు.
అడిగిన దానికి బదులివ్వకుండా వెళ్లమంటే ఎలా? అని ఇద్దరూ ఆదిశేషుడిని ప్రశ్నించారు. ‘మీ ఎదురుగానే రుజువైంది కదా! ఏ తపోఫలం గొప్పదో? ఇక వేరే తీర్పు చెప్పడానికి ఏముంది?’ అని ఆదిశేషుడు అన్నాడు.
వేయి సంవత్సరాల తపశ్శక్తి ధారపోసినా కదలని భూమి ఒక్క అరగంట పాటు మాట్లాడుకున్న మంచి మాటల వలన కలిగిన పుణ్య ఫలాన్ని ధారపోయడం వలన ఇట్టే ఆకాశంలో నిలబడిందన్న విషయాన్ని విశ్వామిత్రుడు, వశిష్ఠుడు గ్రహించారు.
చూశారుగా! మంచి మాటల ప్రభావమెంతో?
ఇప్పుడు ఈ భూమిపై జీవిస్తున్న మన మధ్య మంచి మాటలు తగ్గిపోతున్నాయి. ఒంటరిగా ఉన్నా అదే పని. ఏ ఇద్దరు కలిసినా అదే తీరు. ‘చరవాణి’ తోనే మాట్లాడుకుంటున్నారు. చరవాణితోనే గడుపుతున్నారు. దానితోనే పుణ్య కాలం కాస్తా గడిచిపోతోంది. ఇక మనం మనసు విప్పి మనతో మనం, ఇతరులతో మనం మంచి మాటలు మాట్లాడేదెప్పుడు?
ఒక్క రూపమా నీది తల్లీ! సహస్ర నామ ధేయ!
మాకు కావాలనుకునే "భౌతికాలు" అన్నీ "క్రోడీకరించుకుని", ఇలా నీకు "అష్ట మూర్తులు, అష్ట సిద్ధులు" లాగా "అష్టలక్ష్మీ స్వరూపమూ" అంటామే కానీ, నిన్ను ఆ "ఎనిమిది" రూపాలలో బంధింౘటమంటే, "పిడికిలి మూసి గాలినాపేశామూ" అనుకోవటమే కదా!
అట్టి మా అజ్ఞానాన్ని, "అనర్హత" గా తీసి వేయక, "అమాయకత్వం" గానెంచి, కలియుగ దైవమైన నీ పతి శ్రీ వేంకటేశ్వరుని జన్మ నక్షత్రమైన "శ్రవణ"మునకు నీ సహోదరుడు చంద్రుడు పౌర్ణమి తిథిన చేరువయే మాసం ఈ శ్రావణ మాసంలో, మహిలో మహిళలమంతా ఏకమై, మహిమ గల నిన్ను నుతింౘుకుంటూ పూజలు సల్పుకొనుచున్నాము.
ఆ పూజలో భాగంగానే ఈ "అష్ట లక్ష్మీ రూప స్తుతి" తప్పితే, నిన్ను "ఈ రూపాలల్లో" పరిమితం చేయటం కాదని సవినయంగా మనవి చేసుకుంటూ, **** సార్లు నీ స్తోత్రాన్ని పఠించామని తెలుపుకుంటున్నాము తల్లీ!
అష్టలక్ష్మి యన్న యిష్టమమ్మ జనని
అబ్ధి పుత్రి నీదు యసలు రూపు
నెఱుఁగమైతిమమ్మ హేమమయి! రమ! నీ
దయను ౘూపమనవి! ధాత్రి పైన.
శ్రీ మాత్రే నమః
లోకాలేలే దేవా ఏకదంత!
ఇలపై క్షణముల కాలము గడిపెడి వారము నీ జననము లెక్కింౘూట మా తరమా!
మా అజ్ఞానముతో ఆనందము కొఱకని ఓ ౘవితిని పట్టుకు నీ అవతారిక అని తలచెదమే!
జరామరణ చక్రములంటని నాయకా!
మమ్మల్ని ఇటువంటి చీకట్లో ఉండగా ౘూసి, నవ్వి వదిలి వేయకుండా, వాత్సల్యంతో కాచుచున్న త్రిగుణాతీతా!
తోచిన రీతిన చేసెడి పూజల రూపము వందనమాలను గైకొను స్వామి!
అంటూ నీ అష్టకాన్ని **** సార్లు పఠించాము. కృతజ్ఞతలు దేవా!
కరుణా వరదా! శరణము
కరి వదనా గిరిజ పుత్ర! గారవ రవముల్
కరమున ౘూపి రయము యిల
కరవైన సిరి కురిపింౘి కౌశలమిమ్మా.
అవని అంతటా వ్యాపించి ఉన్న ఆదిపరాశక్తీ!
అమ్మ అన్న పిలుపుకే కరిగిపోయి, ఆపదలు రానీయక ఆదుకుంటూ, అవశ్యకములన్నీ మాకు అందిస్తూ,
ఆదరించే అంబికా! ఆశ్వయుజము
ఆరంభం అవుతోంది, కాలమంతటా నీవే అయినా, మా ఆనందం కోసం నిన్నిలా ఓ పది రోజులు పాటు నుతింౘుకుంటాము కదా!
దసరా వెలుగులు దశమితో ముగిసినా, మా బ్రతుకంతా పున్నమి వెన్నెల చిలికించమంటూ, **" స్తోత్రము ##₹ ౘదివి నీకు అర్పణము గావిస్తున్నాము తల్లీ.
అమ్మా! అని పిలువగనే
యిమ్మాయను దీయు శక్తివీవే గిరిజా
ముమ్మారులు వందనములు
రమ్మా మము గాౘగ దసరా పౌడుగకున్.
అంబా! జననీ! మాతా! అంటూ ముమ్మారు నిన్ను తలచుచూ కొలుచుచూ పిలుచుచూ మేము ఆనందిస్తున్నామే కానీ, ఈ విషయాన్ని ఆస్వాదింౘని ఆసురీ శక్తులు మమ్ములను కుదిపేస్తున్నాయి.
మాది ఆత్మ రక్షణా నేపథ్యం అని వదిలేశావో, లేక నిన్ను అవని పైకి ఆహ్వానిస్తే తప్ప ఆగమనం వలదనుకున్నావో ఎఱుక లేని అల్పులము కదా తల్లీ మేము!
అందుచేత, మా ఆర్తిని గమనించి, ఆపదలను హరింౘ వేగ రావమ్మా ఇలకూ అంటూ భక్తి, వినయ పూర్వకంగా మేము చేస్తున్న వినతులను అందుకుని, *** మార్లు పఠిస్తున్న నీ "శ్రీ దుర్గా ఆపదుద్ధారక స్తోత్రము" ఫలము మాకు అందిస్తూ, రక్షింౘమని వేడుకుంటున్నాము తల్లీ!
వేల్పువీవని వినయము వేడుకుంటు
ఆపదలను దరుమమని యడుగుౘుండ
అండ నీవుగ నిలువుమా అంబ! దుర్గ
వందనములివియె! సద్భక్తి తోడ.
తిమిరము దరిమెడి దీపము
సమరము చేయును మనవలె జ్ఞానము నొసగున్
ప్రమిదగ నమరిన మనసులు!
సుమములు విరియుౘు బ్రతుకున శోభలు పండున్.
దక్షిణ దిశలో నిలౘుౘు
రక్షణ సలిపెడి హర హర! రక్కసులిలపై
కక్షగ నిలచిరి గావుమ!
యక్షయమగు నీ కృపనిడి యాదుకొనుమయా!
అంటూ, మాకందఱికీ అమితమైన ఆనందాన్ని కలిగించే కార్తిక మాసము అవనికి వేంచేయగా, రక్షణ నిచ్చే నీ పంచరత్న స్తోత్రమును *** పఠించాము శంకరా!
నమాలు మారినా, ప్రతి ఏడూ.
దక్షిణ దిశలో నిలౘుౘు
రక్షణ సలిపెడి హర హర! రక్కసులిలపై
కక్షగ నిలచిరి గావుమ!
యక్షయమగు నీ కృపనిడి యాదుకొనుమయా!
అంటూ, మాకందఱికీ అమితమైన ఆనందాన్ని కలిగించే కార్తిక మాసము అవనికి వేంచేయగా, రక్షణ నిచ్చే నీ పంచరత్న స్తోత్రమును *** పఠించాము శంకరా!
నామాలు మారినా, ప్రతి ఏడూ పవిత్రత తో వేంచేసి మా మనసులలో భక్తి భావాన్ని పెంపొందించే ఈ "కార్తిక" మాసంలో, శక్తి మేర నిన్ను పూజించుకుంటున్నాము.
అటువంటి మమ్ము, అనారోగ్యాలూ, కపటాలూ, నాస్తిక వాదాలూ, లేమీ వంటి అసురీ శక్తులు బాధ పెడుతున్నాయి.
శూలము ధరించి వాటిని నిలువరిస్తూనే, జ్ఞాన బోధ మమ్ములనూ అటువంటి పీడల నుంచీ రక్షింౘమని వేడుకుంటూ, ఆ జ్ఞానమునకు స్వరూపమైన "దక్షిణా మూర్తి" రూపంలో నిన్ను అర్చింౘు కుంటున్నాము శంకరా!
పాహిమాం, రక్షమాం.
శ్రీ దత్త శరణం మమ
మువ్వుఱు మూర్తుల రూపము
నవ్వులు రువ్వుౘు జగతిని నడుపగ గురువై
దివ్వెల వెలుగులు చిందుౘు
దవ్వును ద్రీయుౘు నిలిపెను దైవము చెంతన్
అంటూ కొలుౘుకుంటూ నీ "అష్ట చక్ర" స్తోత్రాన్ని ౘదువుకుంటున్నాము.
మారుతున్న పరిస్థితుల్లో, క్షీణిస్తున్న ప్రజల ఆరోగ్యాలు, అన్ని వైపులా దూసుకు వస్తున్న విపత్తులూ దీర్ఘకాలికములై, మమ్మల్ని ఆందోళనకు గురి చేస్తున్నాయి. మా దేహాలలోని సప్త ధాతువులనూ, చక్రాలనూ సమన్వయ పరుస్తూ, ఆ సమస్యలన్నింటినీ తీర్చమని, ప్రతి ఇంటా స్వస్థతనూ, బంధాలలో స్వచ్ఛతనూ నిలపమని వేడుకుంటూ, నీ అష్ట చక్ర స్తోత్రాన్ని *** సార్లు ౘదువుకుంటున్నాము.
నీ బిడ్డలమైన మమ్ము దయ ౘూసి, మా పాపాలేమైనా ఉంటే మన్నింౘమని మనవి చేసుకుంటున్నాము దత్తాత్రేయా!
శరణు శరణు శరణు.
శ్రీ హరి పత్నీ! క్షీర సాగర మథనం అంటే మా మనసులలో ౙరిగే మంచి చెడుల సంఘర్షణయేనని అంతర్లీనమైన సందేశాన్ని శంకరాచార్యుల ద్వారా మాకు పంపి, యిలలో నడకకు దిశా నిర్దేశం చేసిన కరుణామృత రూపిణివి నీవు.
సృష్టి అంతా, పంతాల వలనా, అహంకారాల తోనూ ఘర్షణల మయమై, యుద్ధాలలో ఆయుధాలతో,
సమాజంలో కలుషిత ఆహారంతో, క్రిములతో అమాయక ప్రాణులకూ, నీ స్వరూపమైన ప్రకృతికీ హాని కలుగుతున్న వేళ, మేమంతా భయ కంపితులమవుతున్న భీతి కర పరిస్థితులలో, కుటుంబ కలహాలూ పెౘ్చు మీరి, బంధాలు విచ్ఛిన్నమై పోతున్న విపత్కర తరుణంలో, జననీ, నీ దయను ప్రసరించి మమ్మల్ని కాపాడమంటూ, మా పాపాలను లెక్కింౘక, మంచి దారిలో ఇప్పటి నుంచీ అయినా నడిపిస్తూ, నీ రక్షణా, వాత్సల్యాన్ని మించిన ఉ'సిరు'లు మాకు వేరేవీ తెలియవనీ, వలదనీ కూడా సవినయంగా మనవి చేసుకుంటూ, శంకరావతారులు శ్రీ ఆది శంకరాచార్య విరచిత శ్రీ కనకధారా స్తోత్రాన్ని **** పఠించాము తల్లీ!
సంకల్పము సేమమెగా
పంకజ లోచని! అవనిన బాధల్ దీయన్!
బింకములే లేకను! రమ!
శంకర సోదరి! దయగొని సరసన నిలుమా.
🙏🏻🪷🌻🌹🌼🥥🍋.
🪷🙏🪷
*శ్రీ హరి పత్నీ! క్షీర సాగర మథనం అంటే మా* *మనసులలో జరిగే మంచి చెడుల సంఘర్షణయేనని అంతర్లీనమైన సందేశాన్ని శంకరాచార్యుల ద్వారా* *మాకు పంపి, యిలలో నడకకు దిశా నిర్దేశం చేసిన కరుణామృత రూపిణివి నీవు.*
*🙏సృష్టి అంతా, పంతాల వలనా, అహంకారాల* *తోనూ ఘర్షణల మయమై, యుద్ధాలలో* *ఆయుధాలతో,*
*సమాజంలో కలుషిత ఆహారంతో, క్రిములతో* *అమాయక ప్రాణులకూ, నీ స్వరూపమైన ప్రకృతికీ హాని కలుగుతున్న వేళ,* *మేమంతా భయ కంపితులమవుతున్న భీతి కర పరిస్థితులలో,* *కుటుంబ కలహాలూ పెచ్చు మీరి, బంధాలు విచ్ఛిన్నమై పోతున్న* *విపత్కర తరుణంలో, జననీ, నీ దయను ప్రసరించి మమ్మల్ని* *కాపాడమంటూ, మా పాపాలను లెక్కించక, మంచి దారిలో ఇప్పటి* *నుంచీ అయినా నడిపిస్తూ, నీ రక్షణా,* *వాత్సల్యాన్ని మించిన ఉ'సిరు'లు మాకు వేరేవీ తెలియవనీ, వలదనీ* *కూడా సవినయంగామనవి చేసుకుంటూ,* *శంకరావతారులు శ్రీ ఆది శంకరాచార్య విరచిత శ్రీ కనకధారా స్తోత్రాన్ని 50 పఠించాము తల్లీ!*🙏🪷🌹
*🪷సంకల్పము సేమమెగా*
*పంకజ లోచని! అవనిన బాధల్ దీయన్!*
*బింకములే లేకను! రమ!*
*శంకర సోదరి! దయగొని సరసన నిలుమా.*🪷
🙏🏻🪷🌻🌹🌼🥥🍋.
ఏ దిక్కూ తెలియదయ్యా మాకు, ఏ దక్షతా, దీక్షా లేవు తండ్రీ ఎపుఁడూ.
నీవే రక్షిస్తున్నావనే తలంపులో నిత్యం మసలుతూ, ఒక రకంగా "ఏమరుపాటు" గానే ఉంటాము మఱి.
అది మా "నమ్మిక" అనుకోవట్లేదు మేము, ఎందుకంటే, అది "సత్యం" కనుఁక!
అంటే నీవే కనుఁక.
ఇక ఎవఱో క్రిములను వదులుతున్నారనో, కీడు కలుగ చేస్తున్నారనో, కీర్తి హరిస్తున్నారనో మేమేల చీకాకు పడి
శ్రీ మాత్రే నమః
అరుణ వర్ణమో మేమేమీ ఋణ పడి లేమని చెప్పటమో ఆ నామము, మేమెఱుఁగమైతిమయ మహేశ!
అరుణ గిరి నివాస!
అగ్ని తత్త్వానివి, మా లోని జ్వాలల బాధలు తీర్చి, మమ్మాదరించే తండ్రివి నీవని మాత్రమే తెలుసును.
మా లోని ఆ వేదనలూ తెలిసిన వాడవు కనుఁకనే, వేఱేగా "ఈ ఆపద తీర్చమంటూ, ఈ ఆకాంక్ష నెరవేర్చమంటూ" మొర పెట్టుకోవట్లేదు తండ్రీ.
అరుణాచలమే శంభో
నరులకు గమ్యము! పయనపు నది యంౘు అదే!
శరణని తలవగనే నీ
కరుణను కురిపింౘు తండ్రి! గైకొను ప్రణతుల్.
అంటూ నీ స్తోత్రమును **** మార్లు పఠించాము తండ్రీ!
శ్రీ మాత్రే నమః
🪷🌹💐🌼🌻🌼🌺🌸🌷🪻🪷
నిర్వికారుడవుగ నిలచెడి శుభగుణ
పదములరువు రావె! పలుక వినతి
నీవె శరణు యనెడి నిశ్చలానందమే
మమ్ము నడుపు గాన! వమ్ము వలదె!
ఏమని వ్రాయాలో మా వినతుల వటపత్రములో తెలియుట లేదయ్య శాయి!
కాంక్షలు లేక కాదు! భీతియె మెండయి పోయే గద మనసులలో, బ్రతుకులలో!
ఏదో షష్టమనీ గ్రహ కూటమి యనీ అంటున్నారు! అయినా అంతరిక్షం లోని విషయాల పట్ల మా జ్ఞనం తక్కువనో, శూన్యమనో కాదు! అసలు
అవని మీదనే మనుష్యులు పురుగులను సృష్టిస్తున్నారు. అందుకని ఈ భయం ఎక్కువ అయి పోతోంది.
ఇంటి తలుపులు తీసి నీ గుడులకు రాలేమని బెంగ లేదు! ముందు ఇంట్లో ఉన్న ప్రాణాల గురించే మా ఆర్తి! ఎందుకంటే, మేము మానవ మాత్రులము కదా మరీ! మాయా మోహితులం. ఇదీ నీ లీలే అయితే నీవే కాౘుకుంటావు. కాన భయం మేమీ స్పృహలో ఉన్నప్పుడు దిగి పోతుంది.
కానీ, గ్రహాల చర్యలు, కర్మల ఫలితాలూ అంటావా! నీ స్మరణ అవి ఇచ్చే ఇబ్బందులను తీయక పోతే, "నీవేమి తండ్రివీ!" అంటాము, ఎందుకంటే, మళ్ళీ మేము మానవ మాత్రులమే కనక, మాత్రలనే భుజిస్తున్నాము కనక.
అందుచేత, పైన పేర్కొన్నట్లు, "కర్మ ఫలమనో, కలి యుగమనో" దాట వేయక, మాకు రక్షా, ధైర్యముతో పాటూ, నీవు మాతో ఉన్నావన్న నీ పైరత్యక్ష కదలికలనూ ఇమ్మని, భక్తితో వేడుకొంటున్నాము "భక్త సులభా!"
తీలసీ దళానికి తూగిన నిన్ను, మా అమాయకత్వంతో తూచటం కష్టం కాదని నమ్ముతూ, నిన్నే ఆశ్రయిస్తూ, నీ "కృష్ణాశ్రయ స్తోత్రాన్ని" అజ్ఞానులమైనా పఠిస్తూనే ఉన్నాము.
వందనములు తండ్రీ!
🥭🍍🍏🍎🍊🍋🥥🍌🍉🍈
నామము పలికిన చాలును
రాముని రాజ్యము వెలుగుచు రక్షింౘునిలన్
ధామము కలుగును తుదకని
మా మానవ జాతి నమ్మె! మంగళ రూపా.
వాయు భక్షణ చేస్తున్న శ్రీ అహల్యా మాతనూ కరుణించావు!
వాయు సుతునకు సాన్నిధ్యమే ఇచ్చేశావు!
వైరి వర్గ వాసి విభీషణుడనూ అక్కున చేర్చుకున్నావు.
విభీషణు పత్ని తన పతి లంకను వీడినా ధైర్యము కోల్పోక, చింతాక్రాంత అయిన నీ కాంతామణికి తోడై నిలచిందంటే,
శరణాగత పోషా! ఆశ్రిత పక్షా! అది కేవలం నమ్మికే.
కానీ ఇదంతా ఇప్పుడు మాకు దక్కదూ, ఎందుచేతనంటే ఇది *కలి* కాలము కనక అని ఎవరో కాదు, నీవే అన్నా మేమది మనమున నిలుపమయ్యా!
ఎందుకంటే, *నీ నామ స్మరణ మాకు తప్పక రక్షనొసగునని* మేమెరుగుదుము.
కంట కడలి పొంగుతూ కష్టాలు ముంచే వేళ, మేమే నిన్ను వద్దన్నా, నీవు మమ్మల్ని వదులుకోవు!
అంతటి వాత్సల్య మూర్తివి నీవు!
నీ నామము పై మమతలో నీ తల్లి, వేద పఠిత అయిన కౌసల్యా మాతకే మమత ఎక్కువేమో కానీ, రక్ష మాత్రము మాకందఱికీ అని ఆ తల్లి కూడా చెప్తుంది జానకీ నాథా! లక్ష్మణాగ్రజా!
అంటూ, ఆ రక్షా స్తోత్రమును **** మార్లు పఠించాము దాశరథీ! వందనములు.
వైశాఖంబున దలచెద
నీశుని ప్రియమగు నృసింహునే విడువక మా
పాశము గాచెడి రక్షను
యాశించెద హక్కుగ మది యంతర్యమునన్.
శ్రీ మాత్రే నమః
మాతాపితరులు మీరు!
మిమ్మల్ని భౌతికమైన చక్షువులతో ౘూడలేని వారమైనా, మనోనేత్రంతో మీ వాత్సల్యాన్ని అనుక్షణం అనుభూతిస్తూనే ఉన్నాము.
కనుక మాకు క్రమక్రమంగా భయాందోళనల వంటి ప్రతికూల భావనలు క్రిందికి దిగుతుండగా, ఉత్తుంగ తరంగంలా మీరందిస్తున్న ధృతి ఎగసి పడుతున్నది.
కారణం, మీ మీద మేము పెట్టుకున్న నమ్మకం, పెంౘుకున్న మమత.
ఇంతకాలంగా అర్చిస్తున్నా మేము ఈ భావనలను అందుకోలేక పోతే అది మా లోపమైనా, ఆ లోపాన్ని సరి చేయని మీ దోషం కూడా, అని పండితులు మిమ్మల్ని గర్హింౘనీయకుండా మేము ఎదిగాము.
కాబట్టీ ఇప్పుడు మేమే *మీరు దయ లేని వారు, మాకు కర్మ ఫలం తప్పింౘ లేరు*, అని అమాయకత్వంతో ఆక్రోశించే అవకాశం మాకు అందనీయకుండా మమ్మల్ని భద్రంగా ఉంౘుతూ ఉన్నత స్థాయికి చేర్చవలసినది మీరేనని మనవి చేస్తూ, అమ్మ అష్టోత్తర శతనామావళితో కూడిన అయ్య సహస్ర నామములను *** పఠించాము.
ఇంతే, ఇంకో మాట లేదు.
తల్లిదండ్రులే వీడిన చెల్లునింక
మాదు భద్రత యైనను మనవి లేదు!
నమ్మకమ్మొక్కటియె దప్ప నయము మీర!
ౘదివినాము నుతులను మా హృదయమందు!
శ్రీ మాత్రే నమః
మాతాపితరులు మీరు!
మిమ్మల్ని భౌతికమైన చక్షువులతో ౘూడలేని వారమైనా, మనోనేత్రంతో మీ వాత్సల్యాన్ని అనుక్షణం అనుభూతిస్తూనే ఉన్నాము.
కనుక మాకు క్రమక్రమంగా భయాందోళనల వంటి ప్రతికూల భావనలు క్రిందికి దిగుతుండగా, ఉత్తుంగ తరంగంలా మీరందిస్తున్న ధృతి ఎగసి పడుతున్నది.
కారణం, మీ మీద మేము పెట్టుకున్న నమ్మకం, పెంౘుకున్న మమత.
ఇంతకాలంగా అర్చిస్తున్నా మేము ఈ భావనలను అందుకోలేక పోతే అది మా లోపమైనా, ఆ లోపాన్ని సరి చేయని మీ దోషం కూడా, అని పండితులు మిమ్మల్ని గర్హింౘనీయకుండా మేము ఎదిగాము.
కాబట్టీ ఇప్పుడు మేమే *మీరు దయ లేని వారు, మాకు కర్మ ఫలం తప్పింౘ లేరు*, అని అమాయకత్వంతో ఆక్రోశించే అవకాశం మాకు అందనీయకుండా మమ్మల్ని భద్రంగా ఉంౘుతూ ఉన్నత స్థాయికి చేర్చవలసినది మీరేనని మనవి చేస్తూ, అమ్మ అష్టోత్తర శతనామావళితో కూడిన అయ్య సహస్ర నామములను *** పఠించాము.
ఇంతే, ఇంకో మాట లేదు.
తల్లిదండ్రులే వీడిన చెల్లునింక
మాదు భద్రత యైనను మనవి లేదు!
నమ్మకమ్మొక్కటియె దప్ప నయము మీర!
ౘదివినాము నుతులను మా హృదయమందు!
No comments:
Post a Comment